കന്നാസും കടലാസും: രാഷ്ട്രീയപ്പുകിലുകൾ
കന്നാസ് : ഇന്നലെ ചാലക്കുടിയിൽ കനത്ത പോളിംഗ് ആണല്ലോ കടലാസെ , രാത്രിവരെ ക്യു ആയിരുന്നല്ലോ ?
കടലാസ് : ചാലക്കുടിയന്മാർ അവരുടെ ആ പട്ടം ആർക്കും വിട്ടു കൊടുക്കില്ല , പോളിംഗ് ബൂത്തിനെക്കാൾ വലിയ ക്യു അല്ലെ ബിവറേജിന്‌ മുന്നിൽ
കന്നാസ് : ഈ ക്യുവിൽ നിൽക്കുമ്പോൾ പോ മോനെ വിജയാ എന്ന് ആരെങ്കിലും വിളിച്ചാൽ നീ എന്ത് ചെയ്യും ?
കടലാസ് : ഏത് കുലകുത്തി ആണേലും പരനാറി ആണേലും ചെറ്റത്തരം പറഞ്ഞാൽ വീട്ടിൽ പോയി പറയെടാ ഡാഷ് മോനെ എന്ന് പറയും
കന്നാസ് : വിജയനെ എന്നല്ല കേരളത്തിലെ വേറെ ഏത് രാഷ്ട്രീയക്കാരനെ പോ മോനെ വിജയ എന്ന് വിളിച്ചാൽ നീ പരിപ്പ് എടുക്കുമോ ?
കടലാസ് : പരിപ്പ് എടുക്കാൻ വരട്ടെ നികേഷേ , ആദ്യം നിന്റെ തന്തയെ തല്ലിയവരെ തിരിച്ചു തല്ല് , അതാണ് ആണുങ്ങൾക്ക് പറഞ്ഞിട്ടുള്ളത്
കന്നാസ് : തന്തയെ തള്ളിയവരുടെ പരിപ്പാണല്ലോ ഇപ്പോൾ എടുത്തുകൊണ്ടിരിക്കുന്നത് , നാട്ടിൽ ഇറങ്ങി നടക്കാൻ പറ്റാത്ത അവസ്ഥയിലായില്ലേ സഖാക്കളൊക്കെ , ഇതിൽ കൂടുതലൊന്നും ഒരു മകനെന്ന നിലക്ക് എനിക്ക് സാധിക്കില്ല , ആ പാർട്ടിയെ തന്നെ ഇല്ലാതാക്കിയില്ലേ ?
കന്നാസ് : ധർമ്മടത്ത് വിജയൻ തോൽക്കുമെന്ന് കേക്കണല്ലോ , ശരിയാണോ ?
കടലാസ് : പഴയ രാഘവന്റെ മകൻ ഉപദേശിച്ചുപദേശിച്ചു എനിക്കിപ്പോൾ ധർമ്മടവും കൈവിടുന്ന ധർമ്മ സങ്കടത്തിലാണിപ്പോൾ , പിന്നെ നമ്മുടെ കാക്കി ട്രൗസറുകാർ ഉള്ളതുകൊണ്ട് അവർ സഹായിച്ചേക്കാം
കന്നാസ് : അവർ ഇന്നലെ പാലക്കാട് തകർപ്പൻ കലാശക്കൊട്ട് ആയിരുന്നല്ലോ കാഴ്ചവെച്ചത് ?
കടലാസ് : അത് ഞാനും കേട്ടു , പാലക്കാട്ടെ പെണ്ണുങ്ങളെ കിട്ടാഞ്ഞു വന്നപ്പോൾ ആലപ്പുഴയിൽ നിന്നും രണ്ടായിരം പെണ്ണുങ്ങളെ പുതിയ സാരിയുടുപ്പിച്ചു പാലക്കാട്ടേക്ക് താറാവിനെ കൊണ്ടുവരുന്നത് പോലെ കൊണ്ടുവന്നു പാലക്കാട്ടെ കമ്പനിയിലെ പിള്ളേർസ്
കന്നാസ് : അന്ന് വീട്ടിലൊക്കെ ചെളിയടിച്ചു കയറ്റിയ ആ നശിച്ച പ്രളയം കേരളവികസനത്തിന്റെ ഭാഗമായിരുന്നത്രേ
കടലാസ് : മാത്യു വിനെതിരെ ,മറ്റൊരു മാത്യു അക്കാര്യം വീശിയപ്പോൾ ആർക്കും മിണ്ടാട്ടമില്ലല്ലോ ഊരാളുങ്കൽ ഭഗവാനെ !!
കന്നാസ് : സുധാകരൻമാർ മൊത്തം കട്ടക്കലിപ്പിൽ ആണല്ലോ കേരളത്തിൽ
കടലാസ് : പ്രായം കൂടുമ്പോൾ ചിന്നൻ ഇളകുന്നതായിരിക്കാം , കണ്ണൂരിലെ സുധാകരനെ ഈ ഊള ചാനലുകാർ വായിൽ മൈക്ക് കുത്തിക്കയറ്റി ചിന്നനെ ഇളക്കുന്നതാ
കന്നാസ് : സഖാവ് രഞ്ജിത്തിനെ എങ്ങനെ പോലീസ് പൊക്കി , വിജയൻ ഭരിക്കുമ്പോൾ ? അതും ഗോവിന്ദന്റെ മകന്റെ ബോസ് അല്ലേ അയാൾ ?
കടലാസ് : പൊലീസിന് ഏതാണ്ടൊക്കെ ഉറപ്പായി വിജയന്റെ ഗ്യാസ് തീർന്നെന്ന് . ഭാര്യയും മോനും കാരണം ഗോവിന്ദന്റെ കാര്യം ഗോവിന്ദ , ഇപ്പോൾ പശുവിനെ കറക്കൽ ആണത്രേ നേരംപോക്ക്
കന്നാസ് : അതാണോ വയനാടും പറഞ്ഞു സഖാവ് സ്വരാജ് എന്തൊക്കെയോ വിളിച്ചു പറയുന്നേ ?
കടലാസ് : ഗോവിന്ദൻ മത്യാർന്നു , ഈ ചങ്ങായി എന്തേലും പറഞ്ഞാൽ കളമശ്ശേരി രാജീവിന് മാത്രേ മനസ്സിലാവൂ , അച്ചടിഭാഷക്കാരല്ലേ എല്ലാം
കന്നാസ് : എന്തേ ഇത്തവണ ജയരഞ്ജമാരേം , ബാലനെയും , ശ്രീമതിയെയും , ചിന്തയെയും , ആര്യയെയും , ജെയ്ക്കിനെയും ഒന്നും കാണാത്തത്
കടലാസ് : അവർക്കൊക്കെ ബോധം വെച്ചുകാണും അല്ലാതെന്താ
കന്നാസ് : നൂറു കടക്കും എന്നാണല്ലോ പറൂർക്കാരൻ പറഞ്ഞു നടക്കണത്
കടലാസ് : അത്രേം നല്ല ഉപദേശങ്ങളും പരസ്യങ്ങളും അല്ലേ ആ രാഘവന്റെ മോൻ പറഞ്ഞു തന്നു ചതിച്ചത് , നൂറ്റിപ്പത്ത് കിട്ട്യാലും ഞെട്ടണ്ട
കന്നാസ് : കേരളത്തോട് അവസാനമായി എന്താ പറയുവാനുള്ളത് :
കടലാസ് : അത് നിന്റെ വീട്ടിൽ പോയി ചോദിച്ചാൽ മതി !!
