കെ സി യുഗം അവസാനിക്കുന്നു കേരളത്തിലും കേന്ദ്രത്തിലും..

തിരിച്ചടിയാകുന്ന അധികാരമോഹം

അങ്ങനെ ഒരു വെടി തീരുന്നു .. കെ സി യുഗം കേരളത്തിലും കേന്ദ്രത്തിലും തീർന്നുകൊണ്ടിരിക്കുന്നു . പിണറായി വിജയൻ പത്തുകൊല്ലം കൊണ്ട് നേടിയെടുത്ത ജനത്തിന്റെ വെറുപ്പ് കേവലം ദിവസങ്ങൾ കൊണ്ട് കെ സിയും സമ്പാദിച്ചിരിക്കുന്നു . എത്രയോ ഉന്നത സ്ഥാനങ്ങളിൽ ഇരുന്നുകൊണ്ട് ഇന്നിപ്പോൾ ഒരു മനുഷ്യന്റെയും പിന്തുണയുമില്ലാതെ കേരളത്തിൽ എടുക്കാ ചരക്കായി മാറിക്കൊണ്ടിരിക്കുമ്പോൾ കേരളത്തിന്റെ നന്മ വറ്റിയിട്ടില്ലെന്ന് ജനങ്ങൾ കാണിച്ചുകൊടുക്കുന്നു .

ഇനിയിപ്പോൾ തിണ്ണമിടുക്കിൽ മുഖ്യമന്ത്രിയായാലും കെ സി യുടെ രാഷ്ട്രീയഭാവി ഇരുളടഞ്ഞതുതന്നെ !! ഒരു ഭാഗത്ത് കോടികൾ ചിലവഴിച്ചുകൊണ്ട് എം എൽ എ മാരുടെ കണ്ണിൽ പൊടിയിട്ട് അവരുടെയൊക്കെ പിന്തുണ വാങ്ങിയെടുക്കുമ്പോൾ അവർക്കായി വോട്ട് ചെയ്ത ഒരു കോടി ജനങ്ങൾ തെരുവിലിറങ്ങുന്ന കാഴ്ചകൾ ആരെയും അമ്പരപ്പിക്കുന്നു . ഈ പ്രകടനങ്ങളും പ്രതിഷേധങ്ങളും ഈ എഴുത്തും ആരും പണമെറിഞ്ഞു നേടിയെടുക്കുന്നതല്ല എന്ന് കെ സി യും , കൂടെയുള്ള ചുരുക്കം ചിലരും മനസ്സിലാക്കിയാൽ നന്ന് !!

വടക്കേന്ത്യൻ തകർച്ചയുടെ ആവർത്തനം

നാമെല്ലാം കരുതിയിരുന്നത് കേന്ദ്രത്തിൽ ബിജെപി ഇത്രത്തോളം വളർന്നു പന്തലിച്ചത് നരേന്ദ്രമോഡിയുടെയും , അമിത് ഷായുടെയും , ഗഡ്കരിയുടെയും കഴിവുകൊണ്ടാണെന്നായിരുന്നു . അവരുടെ കഴിവുകൊണ്ടല്ല എന്നത് ഇപ്പോഴാണ് തിരിച്ചറിയുന്നത് . ഈ കെ സി വേണുഗോപാൽ ഇപ്പോൾ കേരളത്തോട് കാണിക്കുന്ന ക്രൂര വിനോദങ്ങളാണ് ഏഴോളം സംസ്ഥാനങ്ങളിൽ കാണിച്ചുകൂട്ടിയിരുന്നത് . അതിന്റെ പ്രതിഫലനമാണ് അവിടെയുള്ള നല്ലവരായ കോൺഗ്രസ്സുകാർ മനം മടുത്തുകൊണ്ട് ബിജെപി തന്നെ ശരണം എന്ന് കണക്കാക്കി അവരെ ജയിപ്പിച്ചത് .

ഇപ്പോൾ കേരളത്തിലെ വോട്ട് ചെയ്ത ജനങ്ങൾക്കിടയിൽ കെ സി വരുത്തിത്തീർത്ത അതേ വെറുപ്പാണ് വടക്കേ ഇന്ത്യൻ സംസ്ഥാനങ്ങളിൽ പ്രതിഫലിച്ചത് . ഇപ്പോൾ തോന്നുന്നത് കോൺഗ്രസ്സിൽ നിന്നും ഒട്ടനവധി എം എൽ എ മാരും , എം പി മാരും , മുഖ്യമന്ത്രിമാരും ബിജെപി യിൽ ചേർന്നതിന്റെ മുഖ്യ കാരണം ഈ മനുഷ്യന്റെ ഈ രാഷ്ട്രീയ ആർത്തി കൊണ്ടായിരിക്കും എന്നാണ് .

കേന്ദ്രനേതൃത്വത്തിന്റെ കൈയൊഴിയൽ

കേന്ദ്രത്തിലെ കോൺഗ്രസ്സുകാർക്ക് എങ്ങനെയെങ്കിലും ഈ മനുഷ്യനെ ഒഴിവാക്കണം . അതിന്റെ ഭാഗമായാണ് രാഹുൽ ഗാന്ധിയായാലും പ്രിയങ്ക ഗാന്ധിയായാലും മല്ലികാർജ്ജുന ഖാർഗെയായാലും സച്ചിൻ പൈലറ്റ് ആയാലും ഇങ്ങേരെ ഇങ്ങോട്ട് പറഞ്ഞുവിട്ടത് . പാർട്ടി ജനറൽ സെക്രട്ടറി സ്ഥാനം നഷ്ടപ്പെട്ടാൽ പിന്നെ ഒരു മനുഷ്യനും തിരിഞ്ഞുനോക്കില്ല എന്ന് മനസ്സിലാക്കിയ കെ സി , മണങ്ങി മണങ്ങി കേരളത്തിൽ വന്നപ്പോൾ തന്നെ കാര്യങ്ങൾ ഏകദേശം പിടികിട്ടിയിരുന്നു .

ബീഹാറിലെ എം എൽ എ മാരെ ബിജെപി റാഞ്ചുന്ന ഘട്ടം വന്നപ്പോഴൊക്കെ ഈ മനുഷ്യൻ കേരളത്തിൽ നിന്ന് തിരിയുകയായിരുന്നു . ഇപ്പോൾ തന്നെ അഞ്ചു സംസ്ഥാനങ്ങളിൽ തിരഞ്ഞെടുപ്പ് നടക്കുമ്പോൾ അവിടെയൊന്നും കടന്നു ചെല്ലാതെ കേരളത്തിൽ തന്നെ കപ്പപുഴുക്കും കഴിച്ചുകൊണ്ട് കഴിഞ്ഞുകൂടി . ആസാമും പോണ്ടിച്ചേരിയും ഒക്കെ മുറുക്കി പിടിച്ചാൽ കിട്ടാവുന്ന സംസ്ഥാനങ്ങളാണ് .

അണികളില്ലാത്ത നേതാവും സോഷ്യൽ മീഡിയയിലെ രോഷവും

ഏതൊരു നേതാവിനും കുറച്ചെങ്കിലും അണികൾ ജയ് വിളിക്കുവാൻ കാണാറുണ്ട് . ഈ മനുഷ്യനെ നല്ലത് പറയുവാൻ പണം കിട്ടിയ എം എൽ എ മാരല്ലാതെ വേറെ ഒരുത്തനേം കാണുന്നില്ല എന്നത് ദുഖകരമാണ് . സോഷ്യൽ മീഡിയയിൽ രാഹുൽഗാന്ധിക്ക് കിട്ടിയ ഒരുലക്ഷത്തി പതിനായിരം നെഗറ്റീവ് കമന്റുകൾ അതുപോലെ പ്രിയങ്കക്കും കൂടാതെ കെ സുധാകരന് കിട്ടിയ 13200 പോരാതെ കെ സി യുടെ ഫേസ്‌ബുക്കിൽ തന്നെ പോയാൽ എല്ലാം കാണാവുന്നതാണ് .

സോഷ്യൽ മീഡിയക്കാർ പോട്ടെ , അല്ലാതെ കേരളത്തിൽ സോഷ്യൽ മീഡിയ കാണാത്ത ഒട്ടനവധി നല്ലവരായ ജനങ്ങളാണ് ഇക്കാര്യം കേൾക്കുമ്പോൾ രോഷാകുലരാവുന്നത് . സ്ത്രീകളും അമ്മമാരും യുവാക്കളും യുവതികളും ഈ കളികളിൽ വളരെ വിഷമത്തിലാണ് . ഗൾഫിലാണെങ്കിൽ യുദ്ധഭീതിയേക്കാൾ വലിയ ഭീതിയാണ് ഇപ്പോൾ കെ സി ഭീതി എന്ന നിലയിലാണ് കാര്യങ്ങൾ . ഓരോരുത്തർക്കും പരസ്പരം ഈ വിഷയമല്ലാതെ മറ്റൊന്നുമില്ല സംസാരിക്കുവാൻ .

പിന്തുണയുടെ പൊള്ളത്തരങ്ങൾ

ഇപ്പോഴത്തെ അവസ്ഥയെന്തെന്നാൽ കേന്ദ്രത്തിലിരിക്കുന്ന ഓരോരോ നേതാവിനും കാര്യങ്ങൾ പിടി കിട്ടിയിരിക്കുന്നു . ഈ മനുഷ്യന് സ്വന്തം നാട്ടിൽ ഒരു മനുഷ്യന്റെയും അംഗീകാരം നേടുവാനായിട്ടില്ല എന്നത് . എം എൽ എ മാരെ ഒറ്റക്കൊറ്റക്ക് കണ്ടിട്ടുണ്ടെങ്കിൽ അഞ്ചോ പത്തോ എം എൽ എ മാർ ഒഴിച്ച് ബുദ്ധിയും ദീർഘവീക്ഷണവും ഉള്ള ഒരു എം എൽ എ യും കെ സി യെ പിന്തുണക്കാൻ യാതൊരു സാധ്യതയുമില്ല . ഒരുമിച്ചാണ് ചോദിച്ചത് എങ്കിൽ 60 പേരും വേണേൽ പിന്തുണച്ചേക്കാം . കാരണം ഉദ്ദിഷ്ടകാര്യത്തിന് ഉപകാരസ്മരണ .

പണം വീശിയതുകൊണ്ടാണ് അവരൊക്കെ ജയിച്ചത് എന്ന വിചാരമുണ്ടെങ്കിൽ കേരളത്തിൽ ഇത്തവണ ബിജെപിയും , സിപിഎമ്മും വീശിയ പണത്തിന്റെ കാൽ ഭാഗം കോൺഗ്രസ്സ് വീശിയിട്ടില്ല . പണമുള്ള എം എൽ എ മാരിൽ നിന്നും സീറ്റിനായി പണം വാങ്ങി പണമില്ലാത്തവന് കൊടുത്തു , അത്രമാത്രം !! ബാക്കിയൊക്കെ എ ഐ സി സി കൊടുത്ത വിഹിതം മാത്രം .

ആലപ്പുഴയിലെ വെല്ലുവിളിയും ഭാവി തിരിച്ചടിയും

ആലപ്പുഴയിൽ അടുത്ത ലോക്സഭാ ഉപതെരഞ്ഞെടുപ്പിൽ ജയിക്കുവാനായി ശോഭ സുരേന്ദ്രൻ പാലക്കാട്ടെ കുമാരേട്ടന്റെ കടയിൽ നിന്നും സാരികൾ ഓർഡർ ചെയ്തുകഴിഞ്ഞു . ആലപ്പുഴയിൽ ജയിച്ച എം എൽ എ പിണറായിയുടെ ഗൺമാന്റെ കയ്യിൽ നിന്നും അടിവാങ്ങി ജയിച്ചെടുത്ത സീറ്റാണ് . അത് വരെ അവനു നഷ്ടപ്പെടുമ്പോൾ പിന്നീട് ജീവിതത്തിൽ ഒരിക്കലും കേരളത്തിൽ ഒരു പഞ്ചായത്ത് തിരഞ്ഞെടുപ്പിൽ വരെ ജയിക്കാനാവാത്ത അവസ്ഥയിലാകും . നാപ്പത്തിയഞ്ചോ അൻപത്തിയഞ്ചോ എം എൽ എ മാരുടെ വോട്ട് മാത്രം കിട്ടിയാൽ മതിയെങ്കിൽ ഏതെങ്കിലും രാജ്യസഭാ സീറ്റിൽ ആ പയ്യനെ മത്സരിപ്പിക്കേണ്ടി വരും .

കെ സി തലകുത്തി മറിഞ്ഞാലും കോടികൾ ഒഴുക്കിയാലും , രാഹുലും പ്രിയങ്കയും ഖാർഗെയും ആലപ്പുഴയിൽ മുറിയെടുത്തു പ്രചാരണം നടത്തിയാലും കെ സി വേണുഗോപാൽ അവിടെ ജയിക്കില്ലെന്ന് ഉറപ്പു പറയുന്നു . അതാണ് കേരളം . അതറിയണമെങ്കിൽ കെ മുരളീധരനെ ഒറ്റക്ക് പോയി കണ്ട് ചോദിച്ചു മനസിലാക്കുക .

നിരീക്ഷകരും ഭീഷണി രാഷ്ട്രീയവും

അതുപോലെ ദീപാദാസ് മുൻഷി പോലെ ഒരാളെ വിശ്വസിക്കാൻ കൊള്ളാത്തതുകൊണ്ടാണ് എം എൽ എ മാരെ എ ഐ സി സി നിരീക്ഷകർ കാണുമ്പോൾ ആ മുറിയിൽ ഉണ്ടാകരുതെന്ന് ആവശ്യപ്പെട്ടത് . അവർ അപ്പപ്പോൾ വിവരങ്ങൾ കെ സിക്ക് കൊടുക്കുമെന്ന അറിവുള്ളതുകൊണ്ട് അവരെ പേടിച്ചിട്ടാണ് പല എം എൽ എ മാരും കാര്യങ്ങൾ എ ഐ സി സി യെ അറിയിച്ചത് . പുറത്തുവന്ന പല എം എൽ എ മാരും ആ പേടിയിലാണ് കാര്യങ്ങൾ അവതരിപ്പിച്ചതെന്ന് അവരുടെ അടുത്ത വൃത്തങ്ങളോട് സൂചിപ്പിച്ചിരുന്നു . ഇത് ഒരു മാതിരി വടക്കേ ഇന്ത്യയിലെ ഭീഷണി രാഷ്ട്രീയമാണ് കേരളത്തിൽ കണ്ടത് .

ദീപാദാസ് മുൻഷിയെയാണ് ഇക്കാര്യങ്ങൾ ഏൽപ്പിച്ചിരിക്കുന്നത് . അവർ ഒരു നല്ല നിരീക്ഷക ആയിരുന്നെങ്കിൽ കോൺഗ്രസ്സിന് തൃശൂർ ജില്ലയിലെ അഞ്ചോളം കോൺഗ്രസ്സ് അനുഭാവ സീറ്റുകൾ നഷ്ടപ്പെടില്ലായിരുന്നു . അതുപോലെ ധർമ്മടം , മട്ടന്നൂർ , പുതുക്കാട് പോലുള്ള മണ്ഡലങ്ങളെ അവർ തിരിഞ്ഞുനോക്കിയിട്ട് പോലുമില്ല .

രാഹുൽ ഗാന്ധിക്കുള്ള നിർദ്ദേശങ്ങൾ

രാഹുൽഗാന്ധിക്ക് കാര്യങ്ങൾ നന്നാക്കിയെടുക്കുവാൻ താത്പര്യമുണ്ടെങ്കിൽ കേരളത്തിലേക്ക് ഈ വക നിരീക്ഷകരെ അല്ലാതെ വേറെ ഏതെങ്കിലും ആത്മാർത്ഥയുള്ള കൂട്ടുകാരനെ വേണുഗോപാൽ അറിയാതെ പറഞ്ഞയക്കുക . മലയാളം അറിയുന്ന ആളായാൽ അത്രയും നല്ലത് . എന്നിട്ടു ചുമ്മാ റോഡിൽ കാണുന്നവരോടും ചുമ്മാ ഇരിക്കുന്നവരോടും സാധാരണക്കാരോടും അന്വേഷിപ്പിക്കുക . ദയവു ചെയ്ത് എം എൽ എ മാരെ കാണരുത് . കൂടാതെ പണം വാങ്ങി എഴുതുന്ന കൂലിത്തൊഴിലാളികളെയും ഒരിക്കലും കാണരുത് . റിട്ടയർ ചെയ്ത ജനങ്ങളെയും ജോലിക്കാരോടും ഒക്കെ ചോദിച്ചറിയുക .

അവർ ആരെയാണ് മുഖ്യമന്ത്രിയായി കാണുന്നതെന്ന് . അല്ലാതെ സച്ചിൻ പൈലറ്റിന്റെ കാര്യത്തിലും ഡി കെ ശിവകുമാറിന്റെ കാര്യത്തിലും ജ്യോതിരാഹിത്യ സിന്ധ്യയുടെ കാര്യത്തിലും അമരീന്ദർ സിങ്ങിന്റെ കാര്യത്തിലും പറ്റിയ ചതി പറ്റാതിരിക്കുക . പരമാവധി ഈ മനുഷ്യനെ തത്ക്കാലം മാറ്റി നിർത്തിയാൽ 2029 തിരഞ്ഞെടുപ്പിൽ 300 സീറ്റുകളിൽ അധികാരം പിടിക്കാം !!

അല്ലെങ്കിൽ ഗോവിന്ദ !!

വേതാളത്തെ തോളിലേറ്റി വിക്രമാദിത്യൻ :

#KeralaPolitics #CongressCrisis #KCVenugopal #RahulGandhi #PriyankaGandhi #AICC #KeralaCongress #PoliticalAnalysis #AlappuzhaPolitics #UDFKerala #SaveCongress #IndianPolitics #Election2029 #PoliticalLeadership #PublicOutrage #KeralaNews #CongressDownfall #PoliticalStrategy #GrassrootsVoice #ChangeInLeadership #SouthIndianPolitics #PoliticalDebate #INCIndia #LeadershipCrisis #VoterResentment