കേരളം വില്പനയ്ക്കല്ല!!

ഡൽഹിയിലെ 'കടുവാ' കളി കേരളത്തിൽ വേണ്ട!

കേരളത്തിലെ കോൺഗ്രസ് പ്രസ്ഥാനം അടുത്ത കാലത്തായി കൈവരിച്ച ഏകീകൃത സ്വഭാവത്തെയും ആത്മവിശ്വാസത്തെയും തകർത്തെറിയാൻ ചില കേന്ദ്രങ്ങൾ ബോധപൂർവം ശ്രമിക്കുന്നു എന്ന സത്യം ഇന്ന് അങ്ങാടിപ്പാട്ടാണ്. ദേശീയ തലത്തിൽ പലരെയും വെട്ടിനിരത്തി ശീലിച്ചവർ, ഇപ്പോൾ സ്വന്തം സംസ്ഥാനത്ത് വിതയ്ക്കാൻ ശ്രമിക്കുന്നത് വർഗീയതയുടെയും പടലപ്പിണക്കത്തിന്റെയും വിത്തുകളാണ്. ഇത് വി.ഡി. സതീശൻ എന്ന നേതാവിനെതിരെയുള്ള നീക്കം മാത്രമല്ല, മറിച്ച് മതേതര കേരളത്തിന് നേരെയുള്ള വെല്ലുവിളി കൂടിയാണ്.

വർഗീയതയുടെ 'അഞ്ചാം മന്ത്രി' കാർഡ്; ആരുടെ തിരക്കഥ?

ഒരു കാലത്ത് യുഡിഎഫിനെ പ്രതിരോധത്തിലാക്കിയ 'അഞ്ചാം മന്ത്രി' വിവാദത്തെ വീണ്ടും പൊടിതട്ടിയെടുത്ത് വി.ഡി. സതീശന്റെ തലയിൽ വെച്ചുകെട്ടാനാണ് കെ.സി. വേണുഗോപാൽ പക്ഷത്തെ ചില ഉപജാപക സംഘങ്ങൾ ശ്രമിക്കുന്നത്. സതീശൻ മുസ്ലിം സംഘടനകളുടെ തടവുകാരനാണെന്ന് വരുത്തിത്തീർത്ത് ക്രൈസ്തവ-ഹൈന്ദവ വിഭാഗങ്ങളെ അകറ്റുക എന്ന ഗൂഢതന്ത്രമാണ് ഇവിടെ പയറ്റുന്നത്.

സതീശൻ്റെ ഏതു പ്രസ്താവനയെയും വക്രീകരിച്ച് വർഗീയ നിറം നൽകുന്ന ഈ രീതി കോൺഗ്രസിൻ്റെ പാരമ്പര്യത്തിന് ഒട്ടും ചേർന്നതല്ല. ജമാ അത്ത് ഇസ്ലാമി , മുസ്ലിം ലീഗ് , പിഡിപി , എസ്ഡിപിഐ , സമസ്ത പോലുള്ള മുസ്ലിം സംഘടനകളുടെ പേരുകൾ ഉപയോഗിച്ചാണ് ഇവർ മറ്റുള്ള മതസ്ഥർക്കിടയിൽ വർഗീയ കാർഡ് വീശുന്നത് .

തരൂരിനെയും പൈലറ്റിനെയും ഒതുക്കിയ 'ഡൽഹി തന്ത്രം'

കെ.സി. വേണുഗോപാൽ എന്ന പേര് ഇന്ന് കോൺഗ്രസിനുള്ളിൽ തന്നെ ഭയത്തോടെയും അമർഷത്തോടെയുമാണ് കേൾക്കുന്നത്.

• ശശി തരൂർ: കേരളത്തിന്റെ മുഖ്യമന്ത്രി പദത്തിലേക്ക് വരാൻ സാധ്യതയുണ്ടായിരുന്ന തരൂരിനെ സംഘടനാ കരുത്തുപയോഗിച്ച് എങ്ങനെ വെട്ടി എന്ന് കേരളം കണ്ടതാണ്.
• ദേശീയ തലത്തിൽ: രാജസ്ഥാനിൽ സച്ചിൻ പൈലറ്റിനെയും മധ്യപ്രദേശിൽ സിന്ധ്യയെയും ഒതുക്കാൻ കെ.സി. നടത്തിയ നീക്കങ്ങൾ ഒടുവിൽ പാർട്ടിക്ക് വലിയ വില നൽകേണ്ടി വന്നു.

ഇതേ 'വെട്ടിനിരത്തൽ' തന്ത്രം വി.ഡി. സതീശനെതിരെ പ്രയോഗിക്കാൻ നോക്കുമ്പോൾ അവർ ഒരു കാര്യം മറന്നുപോകുന്നു—കേരളത്തിലെ താഴെത്തട്ടിലുള്ള പ്രവർത്തകർ സതീശനിൽ കാണുന്നത് പിണറായി വിജയന്റെ ഏകാധിപത്യത്തിനെതിരെ ശബ്ദമുയർത്തുന്ന കരുത്തനായ ഒരു പോരാളിയെയാണ്.

ഹരിയാന നിയമസഭാ തിരഞ്ഞെടുപ്പിൽ സീറ്റ് വാഗ്ദാനം ചെയ്ത് കോടിക്കണക്കിന് രൂപ തട്ടിയെടുത്തു എന്നാരോപിച്ച് കോൺഗ്രസ് സംഘടനാ ജനറൽ സെക്രട്ടറി കെ.സി. വേണുഗോപാലിനെതിരെ രംഗത്തെത്തിയത് ഹരിയാന സ്വദേശിയായ ഗൗരവ് കുമാർ ആണ്. തന്റെ ഭാര്യ സുചിത്രയ്ക്ക് തിരഞ്ഞെടുപ്പിൽ മത്സരിക്കാൻ ടിക്കറ്റ് നൽകുന്നതിനായി വേണുഗോപാലിന്റെ ഡൽഹിയിലെ വസതിയിൽ വെച്ച് 75 ലക്ഷം രൂപയുൾപ്പെടെ വിവിധ ഘട്ടങ്ങളിലായി ഏകദേശം 7 കോടി രൂപ നൽകിയെന്നാണ് ഇയാൾ ആരോപിച്ചത്.

പ്രശാന്ത് കിഷോറിനെ ഒതുക്കിയ കഥകൾ

രാഹുൽഗാന്ധിയുടെ ഭാരത് ജോഡോ യാത്ര എന്ന ആശയം യഥാർത്ഥത്തിൽ പ്രശാന്ത് കിഷോറിന്റെതായിരുന്നു . പാർട്ടിയെ 2024 ഇൽ അധികാരത്തിൽ എത്തിക്കാം എന്ന ഉറപ്പിന്മേലായിരുന്നു ആ ആശയം പ്രശാന്ത് കിഷോർ രാഹുൽഗാന്ധിക്കും , കെ സി ക്കും മുന്നിൽ അവതരിപ്പിച്ചത് . പക്ഷെ അദ്ദേഹത്തിന് കോൺഗ്രസ്സ് പാർട്ടിയിൽ ചേരുവാൻ താത്പര്യം ഉണ്ടെന്ന് അറിയിച്ചപ്പോൾ ആ മനുഷ്യനെയും വെട്ടി മാറ്റി.

ഇപ്പോൾ തമിഴ്‍നാട്ടിൽ വിജയ് യുടെ ടി വി കെ യെ അധികാരത്തിൽ എത്തിച്ചത് പ്രശാന്ത് കിഷോറായിരുന്നു എന്നത് ആർക്കും അറിയാതെ പോയി . ബീഹാറിൽ സ്വന്തം പാർട്ടി ഉണ്ടാക്കി തോൽവി ഏറ്റുവാങ്ങിയെങ്കിലും അദ്ദേഹത്തിന്റെ ആശയങ്ങൾ മറ്റുള്ളവർക്ക് വേണ്ടി നന്നായി ഉപയോഗപ്പെടുത്തുവാൻ പ്രശാന്ത് കിഷോറിന് സാധിച്ചിട്ടുണ്ട് .

ബ്ലാക്ക് മെയിലിംഗും എംഎൽഎമാരുടെ രോദനവും

രാഹുൽ ഗാന്ധിയുടെ വിശ്വസ്തൻ എന്ന പദവി ഉപയോഗിച്ച് പാർട്ടിയെ ഹൈജാക്ക് ചെയ്യാനാണ് കെ.സി.യുടെ ശ്രമമെന്ന് മുതിർന്ന നേതാക്കൾ അടക്കം രഹസ്യമായി സമ്മതിക്കുന്നു. തന്നെ എതിർക്കുന്ന എംഎൽഎമാരുടെ പ്രതിച്ഛായ തകർക്കാൻ പാർട്ടി സംവിധാനത്തെ തന്നെ ഉപയോഗിക്കുന്നത് ഒരുതരം രാഷ്ട്രീയ ഫാസിസമാണ്. എംഎൽഎമാരുടെ അഭിപ്രായങ്ങൾ മാധ്യമങ്ങൾക്ക് ചോർത്തി നൽകി അവരെ വോട്ടർമാർക്കിടയിൽ ഒറ്റപ്പെടുത്തുന്ന പരിപാടി കേരളത്തിലെ കോൺഗ്രസ് ഇതിനുമുമ്പ് കണ്ടിട്ടില്ല.

ഇത്രയധികം എം എൽ എ മാർ കെ സിക്ക് ഒപ്പം നിന്നത് ഇഷ്ടമുണ്ടായിട്ടല്ല , ശരിക്കും പേടിച്ചിട്ടാണ് എന്നാണ് അവരുടെ സുഹൃത്തുക്കളിൽ നിന്നും അറിയുവാൻ കഴിയുന്നത് . കാരണം തമിഴ് നാട് തിരഞ്ഞെടുപ്പിന് ഒരാഴ്ച മുൻപ് അവിടത്തെ മഹിളാ കോൺഗ്രസ്സ് പ്രസിഡണ്ടിനെ പുറത്താക്കി . കേരളത്തിൽ കോൺഗ്രസ്സുകാർക്ക് വേണ്ടി കോടതികൾ കയറിയിറങ്ങിയ ഒരു വക്കീലിനെ പാർട്ടിയിൽ നിന്നും പുറത്താക്കി .

അതുപോലെ പല പ്രദേശങ്ങളിലും പലരെയും പുറത്താക്കുകയും ഭീഷണിപ്പെടുത്തുകയും ചെയ്തപ്പോൾ എം എൽ എ മാരും പേടിച്ചുകാണും . .പക്ഷെ ഇപ്പോൾ ഒരു കാര്യം ഉറപ്പായി , കെ സി എന്ന വ്യക്തി കേരളത്തിലെ ജനങ്ങൾക്കിടയിലും കേന്ദ്രത്തിലെ നേതാക്കൾക്കിടയിലും തകർന്നടിഞ്ഞിരിക്കുയാണ് . പെട്ടെന്നൊന്നും ഒരു മോചനം ഉണ്ടാവില്ല , അബദ്ധത്തിൽ എങ്ങാനും മുഖ്യമന്ത്രി ആയാലും !!

പൂർത്തിയാകാത്ത മോഹങ്ങൾ; പ്രവർത്തകർ നൽകുന്ന മുന്നറിയിപ്പ്

ആലപ്പുഴയിലായാലും ഇരിക്കൂറിലായാലും കെ.സി. വേണുഗോപാൽ എന്ന നേതാവിന് പ്രവർത്തകർക്കിടയിൽ സ്വീകാര്യത നഷ്ടപ്പെട്ടിരിക്കുന്നു. ഭരണത്തുടർച്ച ലഭിക്കുമെന്ന് ഉറപ്പുള്ള ഈ സാഹചര്യത്തിൽ, മുഖ്യമന്ത്രി കസേര സ്വപ്നം കണ്ട് പാർട്ടിയെ കുരുതി കൊടുക്കാൻ കെ.സി. നടത്തുന്ന നീക്കങ്ങൾ കൈയും കെട്ടി നോക്കി നിൽക്കാൻ അണികൾ തയ്യാറല്ല.

"പിണറായിക്ക് പത്തുകൊല്ലം കൊണ്ട് കിട്ടിയ പൂച്ചെണ്ട് ഒരാഴ്ച കൊണ്ട് കെ.സിക്ക് കിട്ടിയിരിക്കുന്നു" എന്ന പ്രവർത്തകരുടെ പരിഹാസം വെറുതെയല്ല. സ്വന്തം അണികളുടെ വിശ്വാസം പിടിച്ചുപറ്റാൻ കഴിയാത്തവർക്ക് എങ്ങനെ ഒരു നാടിനെ നയിക്കാൻ കഴിയും?

ആലപ്പുഴയിൽ ഇപ്പോൾ ജയിച്ചുവന്ന ആ പയ്യനെ മാറ്റിയാൽ കെ സിക്ക് വിജയം സാധ്യമല്ല എന്നും ഇരിക്കൂരിലെ മണ്ടന്മാരായ വോട്ടർമാർ സജീവ് ജോസഫിനേക്കാൾ അധികം ഭൂരിപക്ഷം കെ സിക്ക് നൽകും എന്നാണ് ഗൂഢാലോചനക്കാരുടെ ചിന്തയിൽ .

മൂവാറ്റുപുഴയിൽ മത്സരിച്ചാലും രാവിലെ എട്ടരയ്ക്ക് തന്നെ കെ സി തോറ്റിരിക്കും എന്നാണ് കാര്യങ്ങളുടെ ഇപ്പോഴത്തെ കിടപ്പ് .പുതുയുഗയാത്രയുമായി ബന്ധപ്പെട്ട് വി ഡി സതീശൻ തിരക്കിലായപ്പോൾ കെ സി വേണുഗോപാൽ ദീപാദാസ് മുൻഷിയുടെ കൂടെ ഓടിനടന്ന് എം എൽ എ മാരെ സ്വന്തം പാളയത്തിൽ ആക്കുകയായിരുന്നു . പണം കിട്ടിയപ്പോൾ ആരുടെ പണം എങ്ങനെ വന്നു എന്നൊന്നും എം എൽ എ മാർ ചിന്തിച്ചില്ല . അവർ കെ സി യെ ദൈവദൂതൻ ആക്കി .

കൂടാതെ അദാനി കമ്പനിയുടെ പേരിൽ മംഗലാപുരത്തേക്ക് പ്രൈവറ്റ് വിമാനത്തിൽ പോയി ഒരാളെ കണ്ടു എന്നതിന്റെ വാർത്തകളും ഓരോരുത്തന്മാർ കുത്തിപ്പൊക്കി കൊണ്ടുവരുന്നുണ്ട് . അവിടേക്ക് ഏറ്റവും അധികം പോയിട്ടുള്ളവരിൽ രമേശ് ചെന്നിത്തലയും , ഡി കെ ശിവകുമാറും , മുൻമന്ത്രി മുഹമ്മദ് റിയാസും കേരളത്തിലെ ഒട്ടുമിക്ക രാഷ്ട്രീയനേതാക്കളുമാണ് . അതുപോലെ ചിത്രങ്ങൾ പ്രചരിക്കാൻ തുടങ്ങിയാൽ കെ സി കേരളത്തിൽ തലയിൽ മുണ്ടിട്ട് നടക്കേണ്ടി വരും .

എല്ലാം എല്ലാവർക്കും മനസ്സിലാവുന്നുണ്ട്

സതീശനെ തകർക്കാൻ വർഗീയത കൂട്ടുപിടിക്കുന്നവർ യഥാർത്ഥത്തിൽ ബിജെപിക്കാണ് പായ വിരിച്ചു നൽകുന്നത്. ഡൽഹിയിലെ എയർ കണ്ടീഷൻഡ് മുറികളിലിരുന്ന് കേരളത്തിലെ രാഷ്ട്രീയം നിയന്ത്രിക്കാമെന്ന കെ.സി. വേണുഗോപാലിന്റെ വ്യാമോഹം അറബിക്കടലിൽ ഒഴുക്കേണ്ടി വരുമെന്ന് വരും ദിവസങ്ങൾ തെളിയിക്കും. പാർട്ടിയെ സ്നേഹിക്കുന്ന യഥാർത്ഥ കോൺഗ്രസുകാർ സതീശന് പിന്നിൽ അണിനിരക്കുന്നത് വ്യക്തിപരമായ ഇഷ്ടം കൊണ്ടല്ല, മറിച്ച് കോൺഗ്രസിന്റെ നിലനില്പിന് അതാണ് അനിവാര്യം എന്ന തിരിച്ചറിവിലാണ്.

#KeralaPolitics #CongressCrisis #VDSatheesan #KCVenugopal #UDFKerala #PoliticalConspiracy #KeralaCongress #SaveCongress #NoToCommunalPolitics #DelhiVsKerala #GrassrootsPower #LeadershipTussle #ShashiTharoor #YouthCongress #PinarayiVijayan #UDF2026 #InternalStrife #PoliticalNarrative #JusticeForSatheesan #ProtectSecularism #AlappuzhaPolitics #Irikkur #HighCommand #PoliticalBetrayal #KeralaDevelopment #VDS #KCV #PowerStruggle #DemocracyUnderThreat #VoiceOfWorkers