കേരള നിയമസഭാ തിരഞ്ഞെടുപ്പ് 2026:

യുവജന പ്രതികരണങ്ങളും രാഷ്ട്രീയ പ്രവണതകളും - ഒരു വിശകലനം

കേരളത്തിലെയും ഇതര സംസ്ഥാനങ്ങളിലെയും വിദേശങ്ങളിലെയും 17-നും 37-നും ഇടയിൽ പ്രായമുള്ള മലയാളി പുതുതലമുറ വോട്ടർമാരുടെയും വിദ്യാർത്ഥികളുടെയും ഇടയിൽ നടത്തിയ വിപുലമായ അഭിപ്രായ ശേഖരണത്തിന്റെ അടിസ്ഥാനത്തിൽ തയ്യാറാക്കിയ റിപ്പോർട്ടാണിത്. 2026 ജനുവരി മുതൽ ഏപ്രിൽ വരെയുള്ള കാലയളവിൽ അഞ്ച് ഘട്ടങ്ങളിലായി നടത്തിയ ഈ പഠനം, മാറുന്ന കേരളീയ യുവതയുടെ രാഷ്ട്രീയ ചിന്താഗതികളെ കൃത്യമായി വരച്ചുകാട്ടുന്നു. 555 ഗ്രാമങ്ങളിലായി 55,555 പേരെ സോഷ്യൽ മീഡിയ, മൊബൈൽ പ്ലാറ്റ്‌ഫോമുകൾ വഴി ബന്ധപ്പെട്ടാണ് ഈ വിവരങ്ങൾ ശേഖരിച്ചത്.

പഠന രീതിശാസ്ത്രം

പരമ്പരാഗത സർവേകളിലുള്ള ജനവിശ്വാസം കുറഞ്ഞുവരുന്ന സാഹചര്യം പരിഗണിച്ച്, നേരിട്ടുള്ള സംവാദങ്ങളിലൂടെയും ഡിജിറ്റൽ ഇടപെടലുകളിലൂടെയുമാണ് ഈ വിവരങ്ങൾ ക്രോഡീകരിച്ചിരിക്കുന്നത്.

• കാലയളവ്: 2026 ജനുവരി, ഫെബ്രുവരി, മാർച്ച്, ഏപ്രിൽ.
• പങ്കാളിത്തം: 55,555 യുവജനത.
• വ്യാപ്തി: 555 ഗ്രാമങ്ങൾ, വിദേശ മലയാളികൾ, ഇതര സംസ്ഥാനങ്ങളിലെ വിദ്യാർത്ഥികൾ.
• പ്രധാന കേന്ദ്രം: സോഷ്യൽ മീഡിയ പ്ലാറ്റ്‌ഫോമുകളും ഫോൺ വഴിയുള്ള ആശയവിനിമയവും.

മാസാനുസൃതമായ രാഷ്ട്രീയ ചലനങ്ങൾ

ജനുവരി: യുഡിഎഫിന് നേരിയ മുൻതൂക്കം

ത്രിതല പഞ്ചായത്ത് തിരഞ്ഞെടുപ്പ് വിജയത്തിന് പിന്നാലെ യുഡിഎഫിന് അനുകൂലമായ തരംഗം ദൃശ്യമായി.

• സീറ്റ് നില: യുഡിഎഫ് (80-82), എൽഡിഎഫ് (56-58), എൻഡിഎ (2).
• മുഖ്യമന്ത്രി സ്ഥാനത്തേക്ക്: വി.ഡി. സതീശൻ (52%), പിണറായി വിജയൻ (48%).

ഫെബ്രുവരി: ഗ്രാഫ് ഉയരുന്നു

യുഡിഎഫിന്റെ സ്വാധീനം വർദ്ധിക്കുകയും ഭരണവിരുദ്ധ വികാരം പ്രകടമാകുകയും ചെയ്തു.

• സീറ്റ് നില: യുഡിഎഫ് (90-92), എൽഡിഎഫ് (46-48), എൻഡിഎ (2).
• നേതൃത്വം: വി.ഡി. സതീശന്റെ സ്വീകാര്യത 60% ആയി ഉയർന്നു.

മാർച്ച് (ആദ്യ വാരം): രാഷ്ട്രീയ ധ്രുവീകരണം

'പുതുയുഗയാത്ര'യും എൽഡിഎഫിലെ ആഭ്യന്തര പ്രശ്നങ്ങളും യുഡിഎഫിന് വലിയ കുതിപ്പുണ്ടാക്കി.

• സീറ്റ് നില: യുഡിഎഫ് (95-100), എൽഡിഎഫ് (35-39), എൻഡിഎ (1).
• സ്വാധീനം: എൽഡിഎഫ് നേതാക്കളുടെ കൊഴിഞ്ഞുപോക്കും 'ഡീൽ' ആരോപണങ്ങളും യുവാക്കൾക്കിടയിൽ ചർച്ചയായി.

മാർച്ച് (രണ്ടാം പകുതി): എൽഡിഎഫിന്റെ തിരിച്ചുവരവ്

സ്ഥാനാർത്ഥി പ്രഖ്യാപനത്തിലെ വേഗതയും യുഡിഎഫിലെ ആഭ്യന്തര തർക്കങ്ങളും ചിത്രം മാറ്റിമറിച്ചു.

• തിരിച്ചടി: കെ. സുധാകരന്റെ പാർലമെന്ററി വ്യാമോഹവും സീറ്റ് വിഭജനത്തിലെ അതൃപ്തിയും യുഡിഎഫിന് തിരിച്ചടിയായി.
• സീറ്റ് നില: യുഡിഎഫ് 80 സീറ്റുകളിലേക്ക് ചുരുങ്ങുകയും എൽഡിഎഫ് 58 സീറ്റുകളിലേക്ക് ഉയരുകയും ചെയ്തു.

ഏപ്രിൽ: യുഡിഎഫിന്റെ ശക്തമായ കുതിച്ചുചാട്ടം

ഏപ്രിൽ ആദ്യവാരത്തോടെ യുഡിഎഫ് വലിയ മുന്നേറ്റം നടത്തി. ഇതിന് പിന്നിലെ പ്രധാന കാരണങ്ങൾ താഴെ പറയുന്നവയാണ്:

യുഡിഎഫിന് 102 മുതൽ 105 സീറ്റുകളിൽ ശക്തമായ മുൻതൂക്കമാണ് മാർച്ച് അവസാനവാരവും ഏപ്രിൽ ആദ്യവാരവും സൂചിപ്പിക്കുന്നത് . വിവിധ രാഷ്ട്രീയപാർട്ടികളോട് കൂറ് പുലർത്തിയിരുന്ന യുവതീ യുവാക്കൾ ഒന്നടങ്കം യുഡിഎഫിനോട് അടുക്കുന്ന കാഴ്ചകളാണ് അവരുടെ അഭിപ്രായങ്ങളിൽ നിന്നും മനസ്സിലാവുന്നത് . മുഖ്യമന്ത്രിയായി അവർ ഇപ്പോഴും ഉയർത്തിക്കാട്ടുന്നത് വി ഡി സതീശനെ തന്നെയാണ് . 70 ശതമാനത്തോളം പേർ വിഡി സതീശനെ പിന്തുണക്കുമ്പോൾ 30 ശതമാനം മാത്രമേ പിണറായി വിജയനോടോപ്പമുള്ളൂ .

എൽഡിഎഫിലെ ആഭ്യന്തര തകർച്ച

• ജി. സുധാകരനെപ്പോലുള്ള മുതിർന്ന നേതാക്കൾ പാർട്ടിക്കെതിരെ രംഗത്തുവന്നത്.
• രണ്ട് എൽഡിഎഫ് എംഎൽഎമാർ ബിജെപിയിലേക്ക് ചേക്കേറിയത്.
• ജയരാജനെപ്പോലുള്ളവർ തിരഞ്ഞെടുപ്പ് രംഗത്ത് സജീവമല്ലാത്തത്.
• എൽഡിഎഫിലെ ചെറുപ്പക്കാരെ മത്സരത്തിൽ നിന്നും ഒഴിവാക്കിയത്.
• മമ്മുട്ടിയുടെ വയനാട് വിവാദം ക്ഷീണം ചെയ്തു.

പ്രചാരണ തന്ത്രങ്ങളും പിആർ വിവാദങ്ങളും

• അമിതമായ പരസ്യങ്ങൾ അഴിമതി ആരോപണങ്ങളെ ശരിവെക്കുന്നതാണെന്ന യുവാക്കളുടെ തോന്നൽ.
• ശബരിമല, വയനാട് ഫണ്ട്, രക്തസാക്ഷി ഫണ്ട് തുടങ്ങിയ വിഷയങ്ങളിലെ അഴിമതി ആരോപണങ്ങൾ.
• ഇടതുപക്ഷ സഹയാത്രികർക്കിടയിൽ പോലും ഉണ്ടായ വിശ്വാസ്യത കുറവ്.

ദേശീയ നേതാക്കളുടെ സാന്നിധ്യവും കേരളത്തിലെ നേതാക്കളുടെ പ്രചാരണ ശൈലിയും

• രാഹുൽ ഗാന്ധി, പ്രിയങ്ക ഗാന്ധി, ഡി.കെ. ശിവകുമാർ, രേവന്ത് റെഡ്ഢി, ഇമ്രാൻ പ്രതാപ്ഗർഹി, അസറുദ്ധീൻ എന്നിവരുടെ സജീവ പ്രചാരണം യുഡിഎഫിന് മേൽക്കൈ നൽകി.
• രാഹുൽ ഗാന്ധിയുടെ ജനകീയ ഇടപെടലുകളും 'ഇന്ദിരാ ഗ്യാരണ്ടി' വാഗ്ദാനങ്ങളും വോട്ടർമാരെ സ്വാധീനിച്ചു.
• ഷാഫി പറമ്പിലിന്റെ റോഡ് ഷോകളും , അബിൻ വർക്കിയുടെ സംവാദവും , ചാണ്ടി ഉമ്മന്റെ സൈക്കിൾ സവാരിയും , ഫാത്തിമ തഹ്‌ലിയായുടെ മുന്നേറ്റവും , ശ്രീനാദേവി കുഞ്ഞമ്മയുടെ പ്രസംഗങ്ങളും , പിഷാരടിയുടെയും സന്ദീപ് വാര്യരുടെയും തിക്താനുഭവങ്ങളും പുതു തലമുറയെ യുഡിഎഫിലേക്ക് കൂടുതൽ അടുപ്പിച്ചു .

നേതൃത്വവും സംവാദങ്ങളും

മുഖ്യമന്ത്രി പിണറായി വിജയനും പ്രതിപക്ഷ നേതാവ് വി.ഡി. സതീശനും തമ്മിലുള്ള താരതമ്യം ഈ ഘട്ടത്തിൽ നിർണ്ണായകമായി.

• മുഖാമുഖം സംവാദം: സംവാദത്തിന് വി.ഡി. സതീശൻ ക്ഷണിച്ചപ്പോൾ മുഖ്യമന്ത്രി പിന്മാറിയതും, സോഷ്യൽ മീഡിയയിലൂടെ മാത്രമേ സംവാദം നടത്തൂ എന്ന നിലപാടും യുവതയിൽ പരിഹാസ്യമായി.
• പത്രസമ്മേളനങ്ങൾ: ചോദ്യങ്ങളോടുള്ള മുഖ്യമന്ത്രിയുടെ സമീപനവും ജയശങ്കർ ഉൾപ്പെടെയുള്ള മാധ്യമപ്രവർത്തകരോടുള്ള പെരുമാറ്റവും നെഗറ്റീവ് ഇംപാക്ട് ഉണ്ടാക്കി.
• ഭാഷാപ്രയോഗങ്ങൾ: ജി. സുധാകരനെതിരെയുള്ള പരാമർശങ്ങളും പത്തനംതിട്ടയിലെ വോട്ടറോട് ‘വീട്ടിൽ പോയി ചോദിക്കാൻ’ പറഞ്ഞതും പത്തോളം സീറ്റുകൾ നഷ്ടപ്പെടാൻ കാരണമായി.

അന്തിമ നിഗമനം :

നിരീക്ഷണം: കേരളത്തിലെ തിരഞ്ഞെടുപ്പ് ചരിത്രത്തിൽ 30-ഓളം സീറ്റുകൾ 10,000 വോട്ടുകൾക്ക് താഴെയുള്ള ഭൂരിപക്ഷത്തിലാണ് തീരുമാനിക്കപ്പെടുന്നത്. ഇതിൽ പകുതിയോളം സീറ്റുകൾ 5,000-ൽ താഴെ വോട്ടുകൾക്ക് അങ്ങോട്ടോ ഇങ്ങോട്ടോ മറിയാം. ബിജെപി-സിപിഎം ഡീൽ ആരോപണങ്ങളും, എസ്ഡിപിഐ, പിഡിപി തുടങ്ങിയ പാർട്ടികളുടെ സ്വാധീനവും വരും ദിവസങ്ങളിൽ ഫലത്തെ നേരിയ തോതിൽ സ്വാധീനിച്ചേക്കാം. എങ്കിലും നിലവിൽ യുഡിഎഫിന് വ്യക്തമായ ആധിപത്യം പ്രകടമാണ്.

യുവജനതയോട് ചോദിച്ച അഞ്ച് ചോദ്യങ്ങൾ:

കേരളത്തിലെ യുവജനങ്ങൾ പഠനത്തിനും ജോലിക്കുമായി വിദേശ രാജ്യങ്ങളിലേക്ക് കുടിയേറുന്നതിന് നിലവിലെ സർക്കാരാണോ ഉത്തരവാദി?

കഴിഞ്ഞ 10 വർഷത്തിനിടയിൽ കേരളത്തിന്റെ വിഭവസമാഹരണത്തിലോ വ്യവസായ വികസനത്തിലോ പുരോഗതി കൈവരിക്കാൻ നമുക്ക് സാധിച്ചിട്ടുണ്ടോ?

കഴിഞ്ഞ 10 വർഷക്കാലത്ത് കേരളത്തിലുണ്ടായ അഴിമതികളെയും വിവാദങ്ങളെയും കുറിച്ച് കേരളത്തിലെ യുവത ആശങ്കാകുലരാണോ?

കേരളത്തിൽ നിലവിൽ രാഷ്ട്രീയ ഡീലുകൾ (Political deals) നടക്കുന്നു എന്ന സംസാരമുണ്ട്; നിങ്ങൾ അത് വിശ്വസിക്കുന്നുണ്ടോ?

നിലവിൽ റോഡരികുകളിൽ സ്ഥാപിച്ചിട്ടുള്ള കൂറ്റൻ പരസ്യ ബോർഡുകളും ഹോർഡിംഗുകളും നിങ്ങളുടെ തീരുമാനങ്ങളെ സ്വാധീനിക്കുന്നുണ്ടോ?

ഈ ചോദ്യങ്ങൾ മുൻനിർത്തിയാണ് 55,555 യുവജനങ്ങൾക്കിടയിൽ വിവരശേഖരണം നടത്തിയത്. ഈ ചോദ്യങ്ങളോടുള്ള പ്രതികരണങ്ങളാണ് റിപ്പോർട്ടിൽ സൂചിപ്പിച്ച രാഷ്ട്രീയ മാറ്റങ്ങൾക്ക് ആധാരമായത്. പ്രത്യേകിച്ചും അഴിമതി ആരോപണങ്ങളും (ചോദ്യം 3), വിദേശ കുടിയേറ്റവും, രാഷ്ട്രീയ ഡീൽ സംസാരങ്ങളും (ചോദ്യം 4) വോട്ടർമാരുടെ ചിന്താഗതിയെ വലിയ രീതിയിൽ സ്വാധീനിച്ചതായി പഠനം വ്യക്തമാക്കുന്നു.മുഖ്യമന്ത്രിസ്ഥാനത്തേക്ക് എൽഡിഎഫിൽ നിന്നും മുഖ്യമന്ത്രി പിണറായി വിജയന്റെ പേരും യുഡിഎഫിൽ നിന്നും പ്രതിപക്ഷനേതാവ് വിഡി സതീശന്റെ പേരും മാത്രമാണ് ചോദ്യത്തിൽ ഉൾപ്പെടുത്തിയിരുന്നുള്ളൂ .

(കേരളത്തിലെയും വിദേശത്തെയും മലയാളി പുതുതലമുറ വോട്ടർമാരുടെ രാഷ്ട്രീയ ചിന്താഗതികളെ ആഴത്തിൽ വിശകലനം ചെയ്യുന്ന വിപുലമായ പഠന റിപ്പോർട്ടാണിത്. 2026 ജനുവരി മുതൽ ഏപ്രിൽ വരെയുള്ള കാലയളവിൽ 55,555 യുവാക്കളിൽ നിന്ന് ശേഖരിച്ച അഭിപ്രായങ്ങൾ കേരള രാഷ്ട്രീയത്തിലെ നിർണ്ണായകമായ ഭരണവിരുദ്ധ വികാരത്തിലേക്ക് വിരൽ ചൂണ്ടുന്നു. സർവേയിൽ പങ്കെടുത്ത ഭൂരിഭാഗം പേരും വിദേശ രാജ്യങ്ങളിലേക്കുള്ള യുവജനങ്ങളുടെ കുടിയേറ്റത്തിനും സംസ്ഥാനത്തെ വ്യവസായ മുരടിപ്പിനും നിലവിലെ സർക്കാരാണ് ഉത്തരവാദികളെന്ന് വിശ്വസിക്കുന്നു.

കഴിഞ്ഞ പത്ത് വർഷത്തിനിടയിലെ അഴിമതികളും വിവാദങ്ങളും യുവതയെ സർക്കാരിൽ നിന്ന് അകറ്റിയതായി റിപ്പോർട്ട് വ്യക്തമാക്കുന്നു. ജനുവരിയിൽ യുഡിഎഫിന് ലഭിച്ച നേരിയ മുൻതൂക്കം ഏപ്രിൽ മാസത്തോടെ വലിയ ഭൂരിപക്ഷമായി മാറുന്ന കാഴ്ചയാണ് കാണുന്നത്. മുഖ്യമന്ത്രി സ്ഥാനത്തേക്ക് 70 ശതമാനം പേരും വി.ഡി. സതീശനെ പിന്തുണയ്ക്കുമ്പോൾ പിണറായി വിജയന്റെ സ്വീകാര്യത 30 ശതമാനത്തിലേക്ക് ചുരുങ്ങി. ഭരണപക്ഷത്തെ നേതാക്കളുടെ കൊഴിഞ്ഞുപോക്കും, 'ഡീൽ' രാഷ്ട്രീയ ആരോപണങ്ങളും, മുഖ്യമന്ത്രിയുടെ സംവാദത്തിൽ നിന്നുള്ള പിന്മാറ്റവും ഇടതുപക്ഷത്തിന് വലിയ തിരിച്ചടിയായി. സ്ഥാനാർത്ഥി നിർണ്ണയത്തിലെ പാളിച്ചകളും പാർട്ടിക്കുള്ളിലെ ആഭ്യന്തര തർക്കങ്ങളും യുഡിഎഫിനെ 100-105 സീറ്റുകളിലേക്ക് എത്തിക്കുമെന്നാണ് ഏപ്രിൽ ആദ്യവാരത്തിലെ കണ്ടെത്തലുകൾ സൂചിപ്പിക്കുന്നത്. കേരളത്തിന്റെ ഭാവി നിശ്ചയിക്കുന്നതിൽ യുവജനങ്ങളുടെ ഈ നിലപാടുകൾ നിർണ്ണായകമാകും.)