ഭരതത്തിലെ മോഹൻലാലും കോൺഗ്രസ് എം.എൽ.എമാരും

'ഭരതം' സിനിമയിലെ മോഹൻലാലിന്റെ അവസ്ഥയിലാണ് ഇന്നത്തെ കോൺഗ്രസ്സിലെ എംഎൽഎ മാർ . ഒരു ഭാഗത്ത് ചേട്ടൻ മരിച്ചു കിടക്കുന്നു മറുഭാഗത്ത് കച്ചേരി കേൾക്കാൻ ആളുകൾ കാത്തിരിക്കുന്നു . അവസാനം മോഹൻലാൽ കരഞ്ഞുകൊണ്ട് കച്ചേരി നടത്തിയതുപോലെ ഇന്നത്തെ കേരളത്തിലെ എംഎൽഎ മാർ ധർമ്മസങ്കടത്തിലാണ് .

വൻ ഭൂരിപക്ഷത്തിൽ ജയിച്ചുകയറിയ എംഎൽഎ മാർ ആരെ തുണക്കണം ആരെ പിണക്കണം എന്നറിയാതെ നെട്ടോട്ടമോടുമ്പോൾ അവർക്ക് ചുമ്മാ എങ്കിലും സോഷ്യൽ മീഡിയ നോക്കി ആ പിസി ജോർജ്ജിന്റെ ഇന്നത്തെ അവസ്ഥ കാണുന്നത് നന്നായിരിക്കും . കേരളത്തിന്റെ ഭാവി നിശ്ചയിക്കുന്ന ഒരു തീരുമാനമെടുക്കുമ്പോൾ അത് അവരുടെ കൂടെ ഭാവിയെയാണ് ബാധിക്കുക എന്നത് അവരും മനസ്സിലാക്കിയാൽ കൊള്ളാം .

ദീർഘവീക്ഷണമില്ലാത്ത പിന്തുണയും ആത്മഹത്യാപരമായ നീക്കങ്ങളും

എം എൽ എ മാർക്ക് താത്കാലിക ലാഭത്തിന് വേണ്ടി വേണമെങ്കിൽ കെ സി വേണുഗോപാലിനെ പിന്തുണക്കാം . പക്ഷെ അത് അവർ അവരുടെ തന്നെ ജീവിതം കുഴിതോണ്ടുന്നതിന് തുല്യമായിരിക്കും . ദീർഘവീക്ഷണമുള്ള ഒരു എംഎൽഎ യും കെ സി യെ പിന്തുണക്കാൻ സാധ്യതയില്ല . തിരഞ്ഞെടുപ്പ് ഫണ്ടിനായി പണം കൊടുത്തു എന്ന ഒരൊറ്റ കാര്യത്തിൽ അവർ അങ്ങനെ ഒരു തീരുമാനമെടുക്കും എന്ന് തോന്നുന്നില്ല .

ഒരു മാസം വോട്ടെണ്ണാൻ കാത്തിരുന്നപ്പോൾ മിക്ക എംഎൽഎ മാരും സോഷ്യൽ മീഡിയയിലെ കമന്റുകൾ വായിച്ചിട്ടുണ്ടെങ്കിൽ അവരൊന്നും ആത്മഹത്യാ പരമായ നടപടികൾക്ക് മുതിരുമെന്നും തോന്നുന്നില്ല . കേരളത്തിലെ ജനങ്ങൾ എല്ലാം മനസ്സിൽ സൂക്ഷിച്ചുവെക്കുന്നവരാണ് . അല്ലാതെ ഒരാൾ പറയുന്നത് കേട്ട് എടുത്തു ചാടുന്നവരല്ല . പണ്ടൊക്കെ അങ്ങനെ ആയിരുന്നില്ല . കാലം മാറിയതും ജനങ്ങൾ മാറിയതും എംഎൽഎ മാർ ഓർക്കുക.

ദേശീയ രാഷ്ട്രീയത്തിലെ വീഴ്ചകളും സ്ഥാനാർത്ഥി നിർണ്ണയ വിവാദങ്ങളും

കെ സി വേണുഗോപാലിനെ സംബന്ധിച്ചിടത്തോളം പല സമയത്തും പണം വാങ്ങി സ്ഥാനാർത്ഥികളെ നിശ്ചയിച്ചിരുന്നു എന്നത് കർണാടകത്തിലും ഉത്തരേന്ത്യയിലും നമ്മൾ കേട്ടതാണ് . ഹരിയാനയിലും പഞ്ചാബിലും അനാവശ്യ ഇടപെടലുകൾ നടത്തിയതുകൊണ്ടാണ് ആ സംസ്ഥാനങ്ങൾ എന്നെന്നേക്കുമായി കോൺഗ്രസ്സിനെ കൈവിട്ടത് . ഉറപ്പായും വിജയിക്കേണ്ടിയിരുന്ന ഹരിയാനയിൽ പണം വാങ്ങി സ്ഥാനാർത്ഥികളെ കുത്തിക്കയറ്റി എന്നത് അവിടത്തെ കോൺഗ്രസ്സ് നേതാക്കൾ പത്രസമ്മേളനത്തിൽ പ്രസ്താവിച്ചിരുന്നു .

ബീഹാറിലെ കോൺഗ്രസ്സ് അനുയായികൾ പ്രിയങ്കഗാന്ധിയെ വിമാനത്താവളത്തിൽ തടഞ്ഞുവെച്ചത് ഇതുപോലെയുള്ള ആരോപണങ്ങൾ ഉള്ളതുകൊണ്ടാണ് . ഇതൊക്കെ അറിയാമായിരുന്നിട്ടും കോൺഗ്രസ്സിലെ എംഎൽഎ മാർ കടുത്ത തീരുമാനങ്ങൾ എടുത്താൽ അവരുടെ വീടുകൾക്ക് മുന്നിൽ പ്രതിഷേധങ്ങൾ ഇരമ്പും എന്നത് തീർച്ച .

ജനവിധി വി.ഡി. സതീശന്; കെ.സി.യുടെ ഗ്രൂപ്പ് രാഷ്ട്രീയം

എംഎൽഎ മാരെ ജനം ജയിപ്പിച്ചത് കെ സി വേണുഗോപാലിന്റെ കഴിവുകൾ കണ്ടിട്ടല്ല . കഴിഞ്ഞ പത്തുവർഷത്തെ പിണറായി വിജയൻറെ കാട്ടാള ഭരണത്തിനെതിരെ ജനം വോട്ട് ചെയുവാൻ തീരുമാനിച്ചപ്പോൾ അതിന് നേതൃത്വം നൽകിയ വി ഡി സതീശന്റെ മുഖമായിരുന്നു അവർ മുന്നിൽ കണ്ടത് . മറിച്ച് കെ സി വേണുഗോപാലിനെയോ രമേശ് ചെന്നിത്തലയെയോ ഉയർത്തികാണിച്ചിരുന്നുവെങ്കിൽ മൂന്നാമതും പിണറായി തന്നെ അധികാരത്തിൽ എത്തിയേനെ .

കേരളത്തിലെ നല്ലവരായ ജനതയും ന്യുനപക്ഷ വിഭാഗത്തിലെ വോട്ടർമാരും തങ്ങളുടെ രക്ഷകനായി കണ്ടത് വി ഡി സതീശനെയാണ് . സതീശന് വേണമെങ്കിൽ തന്നോടൊപ്പം നിൽക്കുമെന്ന് കരുതുന്ന ആളുകളെ ഗ്രൂപ്പിന്റെ പേരിലൊക്കെ തിരുകി കയറ്റാമായിരുന്നു . അങ്ങനെ ചെയ്യാതെ പാർട്ടിയെ ജയിപ്പിക്കാൻ മാത്രമായി അഹോരാത്രം പണിയെടുത്തപ്പോൾ കെ സി വേണുഗോപാൽ ഇവിടെ ഗ്രൂപ്പ് വളർത്തുകയായിരുന്നു .

ഡൽഹിയിലെ 'കുരിശും' കേരളത്തിലേക്കുള്ള കെട്ടിയിറക്കലും

വെറുതെയല്ല ഡെൽഹിക്കാർക്ക് കെ സിയെ പെട്ടെന്ന് മതിയായത് . അവർക്ക് എങ്ങനെയെങ്കിലും ആ കുരിശ് അവിടെ നിന്നും മാറ്റി സ്ഥാപിക്കണം. അതിന്നായി അവർ കണ്ടെത്തുന്ന വഴിയാണ് കേരളത്തിലേക്ക് കെട്ടിയിറക്കുക എന്നത് . കെ സി ക്ക് ലേശം ദീർഘവീക്ഷണമുണ്ടായിരുന്നെങ്കിൽ ആലപ്പുഴയിൽ കയറി മത്സരിക്കില്ലായിരുന്നു . അന്നവിടെ മത്സരിച്ചപ്പോൾ രാജസ്ഥാനിലെ ഒരു രാജ്യസഭാ എം പി സ്ഥാനം കോൺഗ്രസ്സിന് നഷ്ടപ്പെട്ട് ബിജെപിക്ക് ലഭിക്കുകയായിരുന്നു .

ഇനി കെ സി യെങ്ങാനും തന്റെ കുനിഷ്ട് ബുദ്ധിയാലും തിണ്ണ മിടുക്ക് കൊണ്ടും കേരളത്തിന്റെ മുഖ്യമന്ത്രിയായാൽ ഇരിക്കൂർ , ആലപ്പുഴ എന്നല്ല കുഞ്ഞാലിക്കുട്ടി എൺപതിനായിരം വോട്ടുകൾക്ക് ജയിച്ചുകയറിയ മലപ്പുറത്ത് നിന്നാലും ജയിക്കില്ല . കോൺഗ്രസ്സുകാർ ജയിപ്പിക്കില്ല എന്നത് തീർച്ച . അതുപോലെ ആലപ്പുഴ ലോക്സഭാ സീറ്റ് എന്നെന്നേക്കുമായി കോൺഗ്രസ്സിന് നഷ്ടപ്പെടുകയും ചെയ്യും .

കോൺഗ്രസ്സ് മുക്ത ഭാരതവും ഭീഷണിയാകുന്ന വിവാദങ്ങളും

കെ സി മുഖ്യമന്ത്രിയാകുവാൻ കാത്തിരിക്കയാണ് എതിർ പാർട്ടിക്കാർ . എന്നിട്ട് വേണം അവരുടെ പക്കലുള്ള പല തെളിവുകളും പുറത്ത് വിടുവാൻ എന്നാണ് അറിയുന്നത് . . എന്നിട്ടു വേണം ആ ദിവസം തന്നെ ആ വാർത്തകൾ വടക്കേ ഇന്ത്യയിലടക്കം കത്തിക്കുവാൻ . അവരുടെ ആവശ്യം കോൺഗ്രസ്സ് മുക്ത ഭാരതമാണ് . ബിജെപി കുറേക്കാലമായി പറയുന്നുണ്ട് , കേരളത്തിന്റെ അടുത്ത മുഖ്യമന്ത്രി ബിജെപിക്കാരൻ ആയിരിക്കുമെന്ന് .

കഴിഞ്ഞ പത്തുകൊല്ലം കേരളം ഭരിച്ചിരുന്നത് ബിജെപിയായിരുന്നു എന്നത് ഏവർക്കും അറിയാം . അവർക്ക് നേരിട്ട് അധികാരം കിട്ടിയില്ലെങ്കിൽ അരവിന്ദ് കെജ്രിവാൾ പോലെയോ , പിണറായി വിജയൻ പോലെയോ ഒരാളെ മതി ഭരണം നടത്തുവാൻ . അങ്ങനെയാണ് അവർ കോൺഗ്രസ്സ് മുക്ത ഭാരതം പ്രാവർത്തികമാക്കുന്നത് .

ജനഹിതം തിരിച്ചറിയാൻ സോഷ്യൽ മീഡിയ ഒരു പാഠപുസ്തകം

ആയതിനാൽ കേരളത്തിൽ ഇപ്പോൾ ജയിച്ചുകയറിയ എല്ലാ കോൺഗ്രസ്സ് എംഎൽഎമാരും , സ്വതന്ത്രന്മാരും , ഘടകകഷി എംഎൽഎ മാരും വളരെ തന്മയത്വത്തോടെ അവരുടെ അണികളോടും അഭ്യുദയ കാംക്ഷികളോടും ചർച്ചകൾ ചെയ്തുകൊണ്ടായിരിക്കണം തീരുമാനങ്ങൾ എടുക്കേണ്ടത് . ഇക്കാര്യത്തിൽ ശരിക്കും നന്ദി പറയേണ്ടത് തിരഞ്ഞെടുപ്പ് കമ്മീഷനോടാണ് . ഏകദേശം ഒരുമാസക്കാലം സമയം കിട്ടിയതിനാൽ വോട്ട് ചെയ്ത ജനങ്ങൾക്ക് മുഖ്യമന്ത്രി ആരാകണം എന്നുള്ളത് തുറന്നുപറയുവാൻ അവസരം ലഭിച്ചു .

അല്ലായിരുന്നുവെങ്കിൽ ഒരു സുപ്രഭാതത്തിൽ ഡൽഹിയിൽ നിന്നും കെട്ടിയിറക്കൽ നമ്മൾ കണ്ടേനെ . ഇതിപ്പോൾ കെ സി ക്കായി കെ സുധാകരന്റെ പോസ്റ്റിനടിയിൽ കാണപ്പെട്ട 13200 കമന്റുകളിൽ 13100 കമന്റുകളും കെ സി ക്ക് എതിരായിരുന്നു . അതുപോലെ കെ സി ഇടുന്ന ഓരോ പോസ്റ്റിനടിയിലും കാണുന്ന കമന്റുകൾ എം എൽ എ മാർക്ക് സമയം കിട്ടുകയാണെങ്കിൽ ഒന്ന് വായിച്ചുനോക്കുവാൻ ശ്രമിക്കണം . അപ്പോൾ യാഥാർഥ്യം ബോധ്യപ്പെടും !!!

എം എൽ എ മാരോട് : ഹൈക്കമാണ്ട് പ്രതിനിധികൾ നിങ്ങളോട് ഒറ്റക്കൊറ്റക്ക് കാര്യങ്ങൾ ചോദിച്ചറിയുമ്പോൾ വോട്ട് ചെയ്ത് വിജയിപ്പിച്ച ജനങ്ങൾക്ക് വേണ്ടി മാത്രം അഭിപ്രായങ്ങൾ പറയുക. അല്ലാതെ കേരളത്തെ വേദനിപ്പിക്കുന്ന തീരുമാനങ്ങൾക്ക് കൂട്ട് നിൽക്കാതിരിക്കുക .

വേതാളത്തെ തോളിലേറ്റി വിക്രമാദിത്യൻ

#KeralaPolitics #CongressCrisis #VDSatheesan #KCVenugopal #UDF #KeralaElections2026 #PoliticalDilemma #BharathamAnalogy #CongressMuktBharat #SocialMediaPower #MlaDecision #KeralaLeadership #UDFKerala #PoliticalAnalysis #PublicSentiment #SaveCongress #HighCommandIntervention #DemocraticVoice #KeralaElections #SatheesanForCM #PoliticalSurvival #GroundReality #VoterAwareness #KeralaPoliticalUpdate #INC #PoliticalSatire #LeadershipCrisis #AlappuzhaPolitics #SolarCaseVibe #MalayaliMindset #ChangeForKerala #YouthCongress #KeralaNews #DemocraticMandate #PowerStruggle