അധികമായാൽ അമൃതും വിഷം : പരസ്യങ്ങളും ചാനൽ സർവേകളും…

സാധാരണയായി സ്‌കൂൾ അടച്ചാൽ ആയിരക്കണക്കിന് കുടുംബങ്ങളാണ് രണ്ടുമാസത്തെ വിസയിൽ ഗൾഫിലേക്ക് പറന്നിരുന്നത് . അവരൊന്നും ഇത്തവണ ഗൾഫിലേക്ക് പോകാത്തതുകൊണ്ട് നഷ്ടപ്പെട്ട വോട്ടുകളുടെ വിടവ് നികത്തുവാൻ സാധിച്ചിട്ടുണ്ട് : ദാസനും വിജയനും

ചുവപ്പ് കോട്ടകളിലെ നിശബ്ദത: കമ്മ്യൂണിസ്റ്റ് വോട്ടുകളിലെ ചോർച്ച

ഈ തിരഞ്ഞെടുപ്പിലെ അടിയൊഴുക്കുകൾ വിലയിരുത്തിയാൽ ആദ്യത്തേത് എല്ലാ മണ്ഡലങ്ങളിലും നല്ല കമ്മ്യുണിസ്റ്റുകാർ മൗനത്തിലായിരുന്നു . തൃശൂർ ജില്ലയിലെ പലയിടത്തും കൊട്ടിക്കലാശം നടത്താൻ പോലും പഴയപോലെ ആളില്ലാതെ കണ്ടത് അതിന്റെ തെളിവുകളാണ് . മിക്ക സ്ഥലങ്ങളിലും സിപിഎമ്മിന്റെ മൂത്ത അനുഭാവികൾ യുഡിഎഫ് സ്ഥാനാർത്ഥികളോട് സിപിഎം കോട്ടകളായ ചില പ്രത്യേക കോളനികളിലും ഗ്രാമങ്ങളിലും പ്രചാരണത്തിന് പോകുവാൻ ആവശ്യപ്പെട്ടതൊക്കെ ആ മാറ്റത്തിന്റെ ലക്ഷണങ്ങളാണ് . അവർക്ക് നേരിട്ട് പാർട്ടിക്കെതിരെ പ്രവർത്തിക്കുവാൻ സാധിക്കാത്തതുകൊണ്ട് ഇങ്ങനെയുള്ള കുറെ അടിയൊഴുക്കുകൾ കേരളത്തിൽ സംഭവിച്ചിട്ടുണ്ട് .

പ്രീണന രാഷ്ട്രീയവും ബൂമറാംഗായ പരസ്യയുദ്ധവും

എസ്ഡിപിഐ - പിഡിപി പോലുള്ള കക്ഷികളെ കൂട്ടുപിടിച്ചപ്പോൾ ഒരു മണ്ഡലത്തിൽ അയ്യായിരമോ അല്ലെങ്കിൽ പതിനായിരത്തിനുള്ളിലോ വോട്ടുകൾ എൽഡിഎഫിന് കിട്ടിയിട്ടുണ്ടെങ്കിലും അത്രക്ക് തന്നെ നിക്ഷ്പക്ഷ ഹിന്ദു വോട്ടുകൾ സിപിഎമ്മിന് നഷ്ടപ്പെട്ടിരുന്നു . അക്കാര്യത്തിൽ പ്രതിപക്ഷ നേതാവ് എടുത്ത ധീരവും പക്വവുമായ നിലപാട് കുറെയധികം ആളുകളിൽ സ്വാധീനം ചെലുത്തിയിട്ടുണ്ട് . അതിൽ പകുതി ബിജെപിക്കോ കോൺഗ്രസ്സിനോ പോയേക്കാം . അവർക്ക് കിട്ടേണ്ട ഒരു വോട്ട് എതിരാളിക്ക് കിട്ടുമ്പോൾ രണ്ട് വോട്ടിന്റെ ഫലമാണ് എന്നതുകൊണ്ട് ഈ തീരുമാനവും എൽഡിഎഫിന് അവസാന നിമിഷം ബുമറാങ് ആയി മാറുകയായിരുന്നു . അവരുമായി പരസ്യമായ ഡീൽ വെക്കാതെ രഹസ്യമായി ഡീൽ വെച്ചിരുന്നെങ്കിൽ ഈ ഗതികേട് സംഭവിക്കില്ലായിരുന്നു .

പരസ്യങ്ങളും ചാനൽ സർവേകളും അഭിമുഖങ്ങളും തിരിച്ചടിച്ചു

ഏറ്റവും ദോഷകരമായി ബാധിച്ചത് നാട് നീളെ വെച്ചുകൂട്ടിയ പരസ്യങ്ങളായിരുന്നു . രാജ്യം രൂക്ഷമായ വിലക്കയറ്റവും ഇന്ധന ക്ഷാമവും നേരിടുന്ന സമയത്ത് ഇത്തരം പരസ്യങ്ങൾ സാധാരണ ജനങ്ങളിൽ അവമതിപ്പുണ്ടാക്കിയിട്ടുണ്ട് . കൂടാതെ റിപ്പോർട്ടർ - ന്യൂസ് 18 - മാതൃഭൂമി പോലുള്ള ചാനലുകാർ കൈരളിയെ വെല്ലുന്ന പ്രകടനങ്ങൾ കാണിച്ചുകൂട്ടിയപ്പോൾ അവരുണ്ടാക്കിയ സർവേകൾ വരെ ജനത്തിന് തട്ടിപ്പായി ബോധ്യം വന്നു. ഏറ്റവുമധികം പ്രതികൂലമായി ബാധിച്ചത് ശബരിമല വിഷയം തന്നെ . സിപിഎം പ്രവർത്തകരുടെ വീട്ടിലെ സ്ത്രീകളുടെ വോട്ടുകൾ മിക്കവാറും ഇത്തവണ അവർ മാറ്റി കുത്തിയിട്ടുണ്ട് . ജീവിതത്തിൽ ഇതുവരെ കൈപ്പത്തിയിൽ കുത്താത്ത പല സാഹിത്യകാരന്മാരും , രാഷ്ട്രീയ നിരീക്ഷകരും , സിനിമാക്കാരും , കച്ചവടക്കാരും മാറ്റി കുത്തി എന്നാണറിയുന്നത് .

യുദ്ധഭീതിയും പ്രവാസി മനഃശാസ്ത്രവും: യുഡിഎഫിന്റെ കരുത്ത്

ഇനി യുഡിഎഫിന്റെ ഏറ്റവും പോരായ്മയായി കാണുന്നത് ഗൾഫ് യുദ്ധം സൃഷ്ടിച്ച ഭീതിയിൽ മലബാർ ഭാഗങ്ങളിൽ , പ്രത്യേകിച്ച് കുറ്റ്യാടി ,പേരാമ്പ്ര , നാദാപുരം , കൊയിലാണ്ടി, തൃക്കരിപ്പൂർ , കൂത്തുപറമ്പ് , മഞ്ചേശ്വരം , കാസർഗോഡ്പോലുള്ള മണ്ഡലങ്ങളിൽ വോട്ട് ചെയുവാൻ ഗൾഫിൽ നിന്നും ആളുകൾ എത്തിയില്ല എന്നതാണ് . പക്ഷെ അവിടെയൊക്കെവേറൊന്ന് സംഭവിച്ചിട്ടുണ്ട് . സാധാരണയായി സ്‌കൂൾ അടച്ചാൽ ആയിരക്കണക്കിന് കുടുംബങ്ങളാണ് രണ്ടുമാസത്തെ വിസയിൽ ഗൾഫിലേക്ക് പറന്നിരുന്നത് . അവരൊന്നും ഇത്തവണ ഗൾഫിലേക്ക് പോകാത്തതുകൊണ്ട് നഷ്ടപ്പെട്ട വോട്ടുകളുടെ വിടവ് നികത്തുവാൻ സാധിച്ചിട്ടുണ്ട് . അത്യാവശ്യം കാര്യ പ്രാപ്തിയുള്ള യുഡിഎഫുകാർ നാട്ടിൽ എത്തിക്കഴിഞ്ഞു .

ഭരണമാറ്റത്തിനായി ഗൾഫുകാർ കയ്യഴിഞ്ഞു സഹായിച്ചു

നല്ല പണക്കാർ ഒക്കെ ടിക്കറ്റ് വില നോക്കാതെ തന്നെ നാട്ടിൽ എത്തിയിട്ടുള്ളതുകൊണ്ട് വേറൊരു ഗുണം യുഡിഎഫിനുണ്ടായിട്ടുണ്ട് . സാധാരണ തിരഞ്ഞെടുപ്പുകളിൽ സ്വന്തം മണ്ഡലത്തിലെ സ്ഥാനാർത്ഥിക്കോ , പാർട്ടിക്കോ ഒരു ലക്ഷം കൊടുത്തിരുന്ന ചെറുപ്പക്കാരായ മുതലാളിമാർ ഇത്തവണ രണ്ടും മൂന്നും ലക്ഷം കൊടുക്കുവാൻ സന്നദ്ധരായി . കാരണം യുദ്ധം എങ്ങാനും മൂർച്ഛിച്ചാൽ ഗൾഫ് വിടേണ്ടിവരുമെന്നും നാട്ടിൽ താമസിക്കേണ്ടിവരുമെന്നുള്ള ചിന്തകൾ അവരെ അലട്ടിയിരുന്നു . തുടർഭരണമാണ് വീണ്ടും വരുന്നതെങ്കിൽ ഭൂമി വിൽപ്പന പോലുള്ള കാര്യങ്ങൾ നടക്കില്ല എന്നതും പുതിയ സംരംഭങ്ങൾ തുടങ്ങുവാനാവില്ല എന്നതും അവർക്കറിയാം .നാട്ടിലേക്ക്തിരിച്ചു പോകേണ്ടി വന്നാൽ അവർ ഇഷ്ടപ്പെടുന്നത് യുഡിഎഫ് ഭരണമാണ്. ആയതിനാൽ ഗൾഫ് യുദ്ധം യുഡിഎഫിനെ ബാധിച്ചിട്ടില്ല എന്ന് വേണം അനുമാനിക്കുവാൻ .

എൻഡിഎയിലെ ആശയക്കുഴപ്പങ്ങൾ: സ്ഥാനാർത്ഥി നിർണ്ണയവും പാളിച്ചകളും

എൻ ഡി എ യെ സംബന്ധിച്ചിടത്തോളം അവർ ഏറെക്കുറെ നാലോ അഞ്ചോ സീറ്റുകളിൽ വിജയം ഉറപ്പിച്ചിരുന്നു . അതിന്നായി അവർ കയ്യും മെയ്യും മറന്നു പണിയും എടുത്തിരുന്നു . ഗുരുവായൂരിലെ സീറ്റിൽ മുസ്ലിം സ്ഥാനാർത്ഥിയെ ജനങ്ങൾ തിരഞ്ഞെടുക്കുന്ന വിഷയത്തിൽ അവർ വളരെ മോശമായ അഭിപ്രായങ്ങൾ രേഖപ്പെടുത്തിയപ്പോൾ ഏറ്റവും കൂടുതൽ ഹിന്ദു ഭക്തർ ആരാധിക്കുന്ന ശബരിമല പോലത്തെ ഒരു സ്ഥലത്ത് , റാന്നിയിൽ എൻ ഡി എ സ്ഥാനാർത്ഥിയായി ഒരു പെന്തക്കോസ്ത് കിസ്ത്യാനിയെ വെച്ചത് ആർഎസ്എസ് അണികളിൽ സംശയങ്ങളുണർത്തി . അക്കാര്യത്തിൽ ഒരു മറുപടിയും പറയാത്തതും എഫ്‌സിആർഎ എന്ന ക്രിസ്ത്യൻ ബിൽ സഭകളെയും ക്രിസങ്കികളെയും പാർട്ടിയിൽ നിന്നും അകറ്റി . അത് തിരഞ്ഞെടുപ്പ് കാരണം തത്കാലം മാറ്റിവെച്ചതാണെന്ന് അവർക്കൊക്കെ അറിയാവുന്നതുകൊണ്ട് അവരുടെ വോട്ടുകൾ കിട്ടിയില്ല .

ശോഭ ബിജെപിയുടെ ശോഭ കെടുത്തി :

ഏറ്റവും മോശമായി ബാധിച്ചത് പാലക്കാട്ടെ ഡീൽ ആരോപണങ്ങൾ അണികളിൽ കൺഫ്യൂഷൻ ഉണ്ടാക്കിയിരുന്നു . പിന്നെ പിഷാരടിയെ ഒരു വനിതാ കൗൺസിലർ തടഞ്ഞതും മോശപ്പേരുണ്ടാക്കിയിരുന്നു . അതെല്ലാം ഒരു വിധം അണികളെ ബോധ്യപ്പെടുത്തി വരുന്നതിനിടയിൽ അവിടത്തെ സ്ഥാനാർത്ഥി വോട്ടർമാർക്ക്പണം കൊടുത്തത് കൈയോടെ പിടികൂടിയെങ്കിലും അതൊന്നും അത്ര വിഷയമാവിലായിരുന്നു . പക്ഷെ അവിടത്തെ ബിജെപി സ്ഥാനാർത്ഥി കാണിച്ചുകൂട്ടിയ കോപ്രായങ്ങൾ കേരളം മുഴുവൻ കണ്ടു. മോന്ത അടിച്ചു പൊളിക്കും എന്നതും ആ പയ്യനെ തല്ലിയതും മൊബൈൽ തട്ടിപ്പറിക്കാൻ ശ്രമിച്ചതും ബിജെപിയെ ഇഷ്ടപ്പെടുന്നവരിൽ അസ്വസ്ഥത ഉണ്ടാക്കിയിരുന്നു . കൂടാതെ ചാനലുകാരെ വിളിച്ചുവരുത്തി അനാവശ്യ നുണകൾ പച്ചക്ക് പറഞ്ഞപ്പോൾ അതും തിരിച്ചടിയായി . സ്ഥാനാർത്ഥിക്ക് മാത്രമല്ല കേരളത്തിൽ വിജയം പ്രതീക്ഷിച്ചിരുന്ന മണ്ഡലങ്ങളിലെ വോട്ടർമാരിൽ വരെ അക്കാര്യം സാരമായി ബാധിച്ചിട്ടുണ്ട് .