കേരളത്തിലെ മുൻനിര വാർത്താ ചാനലുകളുടെയും പ്രമുഖ അവതാരകരുടെയും തിരഞ്ഞെടുപ്പ് കാലത്തെ ശക്തമായ നിലപാടുകളും മാധ്യമപ്രവർത്തന ശൈലികളും വിവിധ ചാനലുകൾ നേരിടുന്ന വെല്ലുവിളികളും നിഷ്പക്ഷമായി വിശകലനം ചെയ്തുകൊണ്ട് മാധ്യമരംഗത്ത് അടിയന്തരമായി ഉണ്ടാകേണ്ട ഗുണപരമായ മാറ്റങ്ങളെക്കുറിച്ച് വ്യക്തമാക്കുന്ന വിലയിരുത്തൽ : നേരിന്റെ നേർക്കാഴ്ചകൾ !!

മാധ്യമപ്രവർത്തകരുടെ പോരാട്ടവും പുതിയ സർക്കാരിന്റെ ചുമതലയും

കേരളത്തിന്റെ നന്മക്ക് വേണ്ടിയുള്ള ഈ പോരാട്ടത്തിൽ സത്യസന്ധമായ വാർത്തകൾ മാത്രം പ്രചരിപ്പിച്ചുകൊണ്ട് ജനങ്ങളിൽ ആവേശം പടർത്തിയ ചില മാധ്യമ സ്ഥാപനങ്ങളെയും മാധ്യമ പ്രവർത്തകരെയും മലയാളി ഒരിക്കലും മറക്കില്ല . പലവിധ കുത്തിത്തിരുപ്പ് വാർത്തകളും , ഫോബിയ വളർത്തുന്ന വർത്തകൾക്കുമിടയിൽ ആരെയും കൂസാതെ വാർത്തകൾ മലയാളിക്ക് സമ്മാനിച്ച ഈ മാധ്യമ സുഹൃത്തുക്കളെ എത്ര അനുമോദിച്ചാലും മതിയാവില്ല .

പല ചാനലുകൾക്കും കെട്ട് കണക്കിന് പണം പെട്ടികളിൽ കിട്ടിയിട്ടും അതൊന്നും കൂസാതെ അവരവരുടെ നിലപാടുകൾ വളരെ കിറു കൃത്യമായി ജനങ്ങളിലെത്തിച്ച ചുരുക്കം ചില അവതാരകരും റിപ്പോർട്ടർമാരും മലയാളിയുടെ ഖ്യാതി വാനോളം ഉയർത്തിയിരുന്നു . അവരെയൊന്നും പിണക്കാതെ നോക്കേണ്ടത് പുതിയ സർക്കാരിന്റെ ചുമതല കൂടിയാണ് .

ഏഷ്യാനെറ്റ് ന്യൂസും നിലപാടുകളിലെ വിട്ടുവീഴ്ചയില്ലായ്മയും

ഇക്കാര്യത്തിൽ ഏറ്റവും മുൻപന്തിയിൽ നിൽക്കുന്നത് 'നേരോടെ നിർഭയം നിരന്തരം ' അനുദിനം വളരുന്ന ആത്മബന്ധത്തോടെ നമ്മിൽ എത്തുന്ന ഏഷ്യാനെറ്റ് തന്നെയാണ് . അവരുടെ മാനേജ്‌മെന്റിന്റെ രാഷ്ട്രീയ വകവെക്കാതെ മലയാളിക്ക് വിശ്വസിക്കുവാൻ പറ്റാവുന്ന വാർത്തകൾ മാത്രമാണ് ഈ തിരഞ്ഞെടുപ്പിന്റെ ആറു മാസക്കാലം അവർ അവതരിപ്പിച്ചുകൊണ്ടിരുന്നത് . ഉണ്ണി ബാലകൃഷ്ണൻ തന്നെ വ്യക്തിത്വം പണയം വെക്കാതെ വീണ്ടും കേരളത്തിന്റെ കണ്ണിലുണ്ണിയായി .

വിനുവും , പി ജി സുരേഷ്കുമാറും , സിന്ധു സൂര്യകുമാറും അവരവരുടെ വ്യക്തിത്വം കാത്തു സൂക്ഷിച്ചപ്പോൾ ചിലരൊക്കെ അതിൽ നിന്നൊക്കെ വ്യതിചലിക്കുവാൻ ശ്രമിച്ചിരുന്നു . മന്ത്രി ജലീലിനെ അൽപ്പൻ എന്ന് വിശേഷണം ചെയ്ത വിനു ഇത്തവണ മാത്യു കുഴനാടന് ഏൽപ്പിച്ച പ്രഹരം ചെറുതൊന്നുമല്ല . പണം കൈപ്പറ്റി വാർത്തകൾ ഇറക്കുന്നു എന്ന് പറഞ്ഞവർക്ക് സിന്ധു സൂര്യകുമാറും ചുട്ട മറുപടി കൊടുക്കാൻ മറന്നില്ല . കേരളത്തിൽ ഇസ്ലാമോഫോബിയ വളർത്തുവാൻ ചില തത്പര കക്ഷികൾ ശ്രമിക്കുന്നു എന്ന് സുരേഷ്കുമാറും വെട്ടിത്തുറന്നു പറഞ്ഞു .

മീഡിയ വൺ: വിമർശനങ്ങൾക്കിടയിലെ സൂക്ഷ്മതയും നേരും

വളരെ ക്ലേശത്തോടെ മുന്നോട്ട് പോയിക്കൊണ്ടിരിക്കുന്ന മീഡിയ വൺ ചാനൽ അവരുടെ നേരും നന്മയും ഈ തിരഞ്ഞെടുപ്പ് വേളയിൽ പ്രകടിപ്പിച്ചു ഒട്ടേറെ വിമർശനങ്ങൾ സമൂഹത്തിൽ നിന്നും നേരിടുന്നുണ്ടെങ്കിലും ഈ ഒരു ആറു മാസക്കാലം അവരുടെ എഡിറ്റോറിയൽ വളരെ സൂക്ഷ്മതയോടെ മാത്രമാണ് വാർത്തകൾ കൈകാര്യം ചെയ്തിരുന്നത് .

പ്രമോദ് രാമനും , ജിമ്മി ജെയിംസും വളരെ അച്ചടക്കത്തോടെ കാര്യങ്ങൾ സംസാരിച്ചപ്പോൾ അവരുടെ റിപ്പോർട്ടർമാരും ആവേശത്തിലായിരുന്നു . പാലക്കാട്ടെ വോട്ടിന് പണം കൈകാര്യം ചെയ്യുവാൻ കാണിച്ച മിടുക്കും ജനാധിപത്യത്തിന് ഏറെ സന്തോഷകരമായ വാർത്തയായിരുന്നു . മീഡിയ വൺ എന്ന ചാനലായതുകൊണ്ട് ഒട്ടേറെ വിമർശനങ്ങൾ നേരിടുന്ന പ്രസ്താവനകൾ അവതരിപ്പിച്ചുവെങ്കിലും ന്യായത്തിന് വേണ്ടി അവർ നിലകൊണ്ടിരുന്നു എന്നത് പറയാതെ വയ്യ .

മനോരമ ടി വി: തന്മയത്വത്തോടെയുള്ള തിരഞ്ഞെടുപ്പ് അവലോകനങ്ങൾ

നേരിൽ കാണാം എന്ന ആത്മവിശ്വാസത്തോടെ മനോരമ ടി വി വളരെ തന്മയത്വത്തോടെയാണ് കാര്യങ്ങൾ കൈകാര്യം ചെയ്തിരുന്നത് . അവരുടെ തിരഞ്ഞെടുപ്പ് അവലോകനങ്ങൾ വളരെ സൂക്ഷ്മതയോടെയാണ് ജോണി ലൂക്കോസ് അവതരിപ്പിച്ചുകൊണ്ടിരുന്നത് . സർവേ ഫലങ്ങളും എക്സിറ്റ്പോളുകളും ആരെയും വേദനിപ്പിക്കാതെ അവർ ജനങ്ങളിൽ എത്തിച്ചപ്പോൾ എക്സിറ്റ് പോളിൽ റോമിയും എല്ലാം പറയാതെ പറയുന്നുണ്ടായിരുന്നു .

ഏറെ പ്രശംസ പിടിച്ചു പറ്റിയത് ഷാനി പ്രഭാകറിന്റെ ചങ്കൂറ്റത്തിനായിരുന്നു . ആരെയും കൂസാതെ , ആരെയും വകവെക്കാതെ ഷാനി കാര്യങ്ങൾ വെട്ടി തുറന്നു പറഞ്ഞപ്പോൾ നിഷ പുരുഷോത്തമൻ ഗൗരവമായ ഭാഷയിൽ കാര്യങ്ങൾ അവതരിപ്പിച്ചു . അയ്യപ്പദാസ് കേരളത്തിന്റെ സ്വന്തം അവതാരകനായി മാറുകയായിരുന്നു .

24 ന്യൂസ്: സ്വതസിദ്ധമായ ശൈലിയും ഇൻട്രോകളുടെ ആവേശവും

വാർത്തകളിൽ ഇനി 24 മണിക്കൂർ എന്ന ആപ്തവാക്യത്തോടെ മുന്നേറിയ 24 ന്യൂസ് അവരുടെ ക്ലേശങ്ങൾ ജനങ്ങളെ കാണിക്കാതെ സ്വതസിദ്ധമായ ശൈലിയിൽ ശ്രീകണ്ഠൻ നായർ ആവേശം പടർത്തിയപ്പോൾ ഹാഷ്മി ഒരു സെവൻസ് ഫുട്‍ബോൾ കളിപോലെ അതങ്ങ് ഏറ്റെടുത്തു . വാർത്തയ്ക്ക് മുൻപേയുള്ള ഹാഷ്മിയുടെ ഇൻട്രോ അവതരണം കേരളത്തിൽ അങ്ങോളമിങ്ങോളം ഷെയർ ചെയ്യപ്പെട്ടു .

പതിവ് സുഖിപ്പിക്കൽ വാർത്തകൾ മാറ്റിവെച്ചുകൊണ്ട് ഇത്തവണ അവർ ജീവന്മരണ പോരാട്ടം നടത്തിയിരുന്നു . മറ്റുള്ള അവതാരകർ ഇവരോടൊപ്പം ചേർന്ന് നിന്ന് പ്രവർത്തിച്ചപ്പോൾ തിരഞ്ഞെടുപ്പ് അവലോകനങ്ങളിൽ കുറച്ചെങ്കിലും മാന്യത പുലർത്തുവാൻ അവരൊക്കെ ശ്രമിച്ചിരുന്നു .

മാതൃഭൂമിയും ന്യൂസ് 18 ചാനലും: നിലവാരത്തകർച്ചയെക്കുറിച്ചുള്ള സംശയങ്ങൾ

സത്യം സമത്വം സ്വാതന്ത്ര്യം എന്ന തലക്കെട്ടുകളോടെ നടത്തിവരുന്ന മാതൃഭൂമി ചാനൽ കേവലം ഒരു നാലാം കിട ചാനൽ നിലവാരത്തിലേക്ക് കൂപ്പുകുത്തിയതിന്റെ പിന്നിൽ വാർത്ത അവതാരകരാണോ , അതോ മാനേജ്മെന്റാണോ പ്രശ്നക്കാർ എന്നതാണ് ഇപ്പോൾ സംശയം . എന്തിനാണ് മാധ്യമങ്ങൾ ഒക്കെ ഇത്രക്കും തരം താഴുന്നത് എന്നത് ഒരു ചോദ്യചിഹ്നമായി മാറുന്നു . അവരുടെ സർവേ ഫലങ്ങൾ ആസ്വദിച്ച ജനങ്ങൾ ഇപ്പോൾ അവരുടെ വാർത്തകൾ കേൾക്കുമ്പോൾ നേർ വിപരീതമായി ചിന്തിച്ചാൽ അത്ഭുതപ്പെടേണ്ടതില്ല .

മുകേഷ് അംബാനിയുടെ അനുഗ്രഹാശ്ശിസ്സുകളോടെ പ്രവർത്തിക്കുന്ന ന്യൂസ് 18 ചാനൽ ചത്തതിനൊക്കുമേ ജീവിച്ചിരിപ്പിലും എന്ന മനസികാവസ്ഥയിലാണ് ചാനൽ വാർത്തകൾ പടച്ചുവിട്ടിരുന്നത് . അധികമാരും ചാനൽ കാണാത്തതുകൊണ്ട് അവതാരകർക്കും വേണെമെങ്കിൽ ആശ്വസിക്കാം .

റിപ്പോർട്ടർ ടി വി: വിമർശനങ്ങളും സ്മൃതി പരുത്തിക്കാടിന്റെ നിലപാടുകളും

നീതിക്കുവേണ്ടിയുള്ള പോരാട്ടം എന്ന തലക്കെട്ടിൽ പ്രവർത്തിക്കുന്ന റിപ്പോർട്ടർ എന്ന മാഫിയ ചാനൽ , നീതി എന്നത് ഒരു സ്ത്രീയുടെ പേരാണ് എന്നാണ് കരുതിയിരിക്കുന്നത് . അനീതി മാത്രം വെച്ചുവിളമ്പുന്ന ചാനലിന്റെ ഘടന തന്നെ അനീതിയിലാണ് . മുതലാളിമാർ ഒന്നടങ്കം അനീതിയാൽ തഴച്ചുവളരുന്നവരാണ് . കേസുകളുടെ ഭാണ്ഡക്കെട്ടുകളുമായി ദിവസങ്ങൾ തള്ളിനീക്കുന്നവർ .

ഏറ്റവും പ്രഹസനമായി മാറിയത് ഡോക്ടർ അരുൺകുമാർ എന്ന മൊട്ട അരുണാണ് . എങ്ങനെ ഈ മനുഷ്യൻ ഒക്കെ ജനങ്ങളെ നേരിടുന്നത് എന്നത് ചിന്തിക്കാൻ വയ്യ . സ്മൃതി പരുത്തിക്കാട് പോലുള്ളവർ എന്തിനാണ് ഇവരുടെയൊക്കെ ശമ്പളം പറ്റി ജീവിക്കുന്നത് എന്നതാണ് ഏറെ വിഷമമുണ്ടാക്കുന്നത് . സ്മൃതി ശരിക്കും ശക്തമായ നിലപാടുകളുള്ള ഒരു ധീര വനിതയാണ് . എത്രയും പെട്ടെന്ന് തടി തപ്പിയാൽ അവർക്ക് അത്രയും നല്ലത് !!

ബിഗ് ടി വി: തിരഞ്ഞെടുപ്പ് അവലോകനത്തിലെ വീഴ്ചകൾ

ഏറ്റവും വിഷമകരമായി മാറിയത് ഭയമില്ലാതെ പക്ഷഭേദമില്ലാതെ കേരളത്തിലേക്ക് പാഞ്ഞെത്തിയ ബിഗ് ടിവി യുടെ ശൈലികൾ ഓർത്തിട്ടായിരുന്നു . എന്തിനാണ് ഇവരൊക്കെ ഇങ്ങനെ ചാനൽ തുടങ്ങിയത് എന്നതാണ് ദുഖകരം . തെലങ്കാനയിലെ വിജയ് വെണ്ണത്തിന്റെ പണം ആണെങ്കിലും പണം എന്നത് പണം തന്നെയല്ലേ . ആറ്റിൽ കളഞ്ഞാലും അളന്നു കളയണമെന്ന് പഴമൊഴിയുണ്ട് . അനിൽ അയിരൂർ ഒരു നല്ല വ്യക്തിയാണ് , ലേശം കിറിയേറ്റിവിറ്റി ഉണ്ടെന്നത് ഒഴിച്ചാൽ ഒരു നല്ല സംഘാടകനല്ല എന്നത് ഉറപ്പിച്ചു .

സുജയ്യ പാർവതിയുടെ മേക്കപ്പ് പോലെ തന്നെ എല്ലാം ഒലിച്ചുപോയ ഒരു തിരഞ്ഞെടുപ്പ് അവലോകനമാണ് നമ്മൾ കണ്ടത് . വേണുവും കൂടെയുള്ളവരുമൊക്കെ എന്തിനാണ് ഇങ്ങനെയൊക്കെ ജീവിതം പന്താടുന്നത് എന്ന് തോന്നിപ്പോയി . ലക്ഷ്മി പത്മക്ക് വ്യക്തമായ നിലപാടുകൾ ഉണ്ടായിരുന്നതുകൊണ്ട് അവരെ കുറ്റം പറയുവാനാവില്ല . എന്തൊക്കെ അനാവശ്യങ്ങളാണ് ഈ ചാനൽ ജനങ്ങളിൽ എത്തിക്കുവാൻ ശ്രമിച്ചത് . ഭാഗ്യത്തിന് ആരും കാണാത്തതുകൊണ്ട് തെറി കമന്റുകൾ വളരെ കുറവായിരുന്നു എന്നതിൽ ആശ്വസിക്കാം .

നാലാം നിര ചാനലുകളുടെ ഭാവിയും മാനേജ്‌മെന്റ് പക്വതയും

ജയ്‌ഹിന്ദ്‌ , ജനം , കൈരളി , കൗമുദി , അമൃത , ജീവൻ മുതലായ ചാനലുകാർ ആർക്കോ വേണ്ടി തിളയ്ക്കുന്ന സാമ്പാർ പോലെയായിരുന്നു . അവർക്ക് തന്നെ അറിയില്ലായിരുന്നു അവർ ആർക്കുവേണ്ടിയാണ് ഈ വാർത്തകളൊക്കെ പടച്ചുവിട്ടിരുന്നത് എന്നത് . കുറച്ചുകൂടി പക്വതയോടെ മാനേജ്‌മെന്റുകൾ കാര്യങ്ങൾ തീരുമാനിച്ചാൽ നന്നാക്കിയെടുത്തുക്കാവുന്ന ചാനലുകളാണ് ഇവയൊക്കെ .

ഒന്നാം നിരയിൽ എത്തിയില്ലെങ്കിലും ഇങ്ങനെ ഒരു പരിതാപകരമായ അവസ്ഥയിൽ നിന്നും അവർക്ക് കരകയറാവുന്ന അവസ്ഥകളെ ഉള്ളൂ . പല പ്രത്യേക വാർത്തകൾക്കും മലയാളത്തിൽ ഇപ്പോഴും സ്‌പേസ് ഉണ്ട് എന്നത് മനസ്സിലാക്കിക്കൊണ്ട് ഇവരൊക്കെ മുന്നോട്ട് വന്നാൽ കുറച്ചെങ്കിലും ആളുകൾ ഈ ചാനലുകളും ചിലപ്പോൾ കണ്ടേക്കാം .

മാറ്റത്തിന്റെ ആഹ്വാനവും മാധ്യമ സുഹൃത്തുക്കൾക്കുള്ള ആശംസകളും

നേര് , നന്മ , നീതി എന്നൊക്കെ വാതോരാതെ വിളിച്ചു കൂവുന്നുണ്ടെങ്കിലും ആർക്കും അത് പ്രയോഗികമാക്കുവാൻ സാധിക്കുന്നില്ല !! മാറ്റുവിൻ ചട്ടങ്ങളെ !!

ഉണ്ണിക്കും സുരേഷിനും വിനുവിനും സിന്ധുവിനും ഷാനിക്കും ഹാഷ്മിക്കും സ്‌മൃതിക്കും ഭാവുകങ്ങളോടെ ദാസനും

ഏഷ്യാനെറ്റിനും , മീഡിയ വണ്ണിനും , മനോരമയ്ക്കും 24 നും ഒപ്പം നിന്നുകൊണ്ട് വിജയനും

#KeralaMedia #MediaAnalysis #KeralaElections #JournalismEthics #MalayalamNews #AsianetNews #MediaOne #ManoramaNews #24News #Mathrubhumi #News18Kerala #ReporterTV #BigTV #MediaCritique #IndianMedia #TelevisionJournalism #NewsAnchors #PoliticalStance #MediaReform #PressFreedom