അദൃശ്യമായ കാവലിൽ യുഡിഎഫ് മുന്നോട്ട്: വിവാദങ്ങളുടെ മുനയൊടിച്ച് കേരളം പുതിയൊരു ഭരണത്തിലേക്ക്!
അദൃശ്യശക്തിയുടെ കാവലും വെള്ളാപ്പള്ളിയുടെ പ്രസ്താവനകളും
കേരളത്തിൽ കോൺഗ്രസ്സിന് എപ്പോഴും ഏതോ ഒരു അദൃശ്യ ശക്തിയുടെ പിന്തുണയുണ്ടെന്ന് നമ്മുക്ക് ഉറപ്പിക്കാം . അതിപ്പോൾ വേറെ ആരും ആവാൻ വഴിയില്ല . നമ്മുടെ അയ്യപ്പൻ തന്നെ . സാക്ഷാൽ ശബരിമല അയ്യപ്പൻ … ഒരു ഉദാഹരണം വെള്ളാപ്പള്ളി നടേശൻ വീണ്ടും വായ തുറന്നിരിക്കുന്നു .
തിരഞ്ഞെടുപ്പിന് മുന്നോടിയായി, ത്രിതല പഞ്ചായത്ത് തിരഞ്ഞെടുപ്പിന്റെ തകർപ്പൻ വിജയത്തിന് ശേഷം എകെജി സെന്ററിൽ ഇരുന്നു കാർഡുകൾ ഇറക്കിയവരും അവരുടെ പണം വാങ്ങി പ്രചാരണം അഴിച്ചുവിട്ടിരുന്ന റിപ്പോർട്ടർ -ന്യൂസ് 18 - മാതൃഭൂമി ചാനലുകളും ഒരുമിച്ചുകൊണ്ട് കോൺഗ്രസ്സിലെ മൂന്നോ നാലോ നേതാക്കളെ ലക്‌ഷ്യം വെച്ചുകൊണ്ട് ആക്രമണങ്ങൾ അഴിച്ചുവിട്ടിരുന്നു .
ഇത് മനസ്സിലാക്കിയ നേതാക്കന്മാർ ടീം യുഡിഎഫ് എന്ന ഒരു ശൈലി ഉൾക്കൊണ്ടുകൊണ്ട് അനാവശ്യമായ ഒരു വിവാദത്തിനും നിന്ന് കൊടുത്തില്ല . അതിന്റെ ഫലമായി തീവ്രമായ അണികൾ ഒന്നടങ്കം കയ്യും മെയ്യും മറന്നുകൊണ്ട് യുഡിഎഫിനെ ജയിപ്പിക്കുവാൻ മുന്നിട്ടിറങ്ങി .
മാധ്യമ കടന്നാക്രമണങ്ങളെ പ്രതിരോധിച്ച 'ടീം യുഡിഎഫ്'
വെള്ളാപ്പള്ളിയുടെ അനവസരത്തിലെ പ്രസ്താവനകളും പ്രതിപക്ഷനേതാവിനെ ഒറ്റതിരിഞ്ഞുള്ള ആക്രമണങ്ങളും അതിരു കടന്നപ്പോൾ അണികൾ ഇപ്പുറത്ത് ഒറ്റക്കെട്ടായി അണിനിരന്നു . കോൺഗ്രസ്സ് അണികളുടെ മാനസിക ആവേശം കെടുത്തുവാൻ രാഹുൽ മാങ്കൂട്ടം വിഷയത്തെ ആളിക്കത്തിച്ചപ്പോൾ അതൊക്കെ വളരെ തന്മയത്വത്തോടെ കൈകാര്യം ചെയ്യുവാൻ പ്രതിപക്ഷ നേതാവിനും കെപിസിസി പ്രസിഡണ്ടിനും സാധിച്ചിരുന്നു .
ഓരോരോ ദിവസവും ഭരണപരാചയങ്ങൾ ചൂണ്ടിക്കാണിക്കാതെ പ്രതിപക്ഷത്തെ ലക്‌ഷ്യം വെച്ച് കരുക്കൾ നീക്കിയപ്പോൾ ,വെള്ളാപ്പള്ളി നടേശനെക്കൊണ്ടും , സുകുമാരൻ നായരെക്കൊണ്ടും പ്രതിപക്ഷത്തിനെതിരെ ആഞ്ഞടിപ്പിച്ചപ്പോഴും നേതാക്കളും അണികളും ഒറ്റക്കെട്ടായി എല്ലാറ്റിനെയും നേരിട്ടു . അവസാന നിമിഷത്തിൽ കെ സുധാകരനെ കളത്തിൽ ഇറക്കി കുളം കലക്കുവാൻ നോക്കിയപ്പോഴും അതെല്ലാം മറികടക്കുവാൻ കോൺഗ്രസ്സിനായി എന്നതാണ് ഇവരെക്കൊണ്ടൊക്കെ കോൺഗ്രസ്സിനുണ്ടായ ഗുണം .
വിവാദങ്ങൾക്കിടയിലും തളരാത്ത അണികളും നേതൃത്വവും
അതുപോലെ ലീഗിന്റെ വായിലിട്ടു കുത്തിക്കൊണ്ട് പലതും പടച്ചുവിടാൻ ശ്രമിച്ചിരുന്നു . അഞ്ചാം മന്ത്രി - ഉപമുഖ്യമന്ത്രി എന്നൊക്കെ ആഞ്ഞുവീശി ഒരു മുസ്ലിം വിരുദ്ധ വികാരം ഹിന്ദുക്കളിലും ക്രിസ്ത്യാനികളിലും വളർത്തുവാൻ തലകുത്തി മറിഞ്ഞു നോക്കിയിരുന്നു . മുൻകാല അനുഭവ സമ്പത്ത് കയ്യിലുള്ളതുകൊണ്ട് ലീഗിലെ ഒരു നേതാവോ അണികളോ അതൊന്നും ചെവിക്കൊള്ളാതെ അവരവരുടെ മണ്ഡലങ്ങളിലും പ്രദേശങ്ങളിലും വോട്ടുകൾ ചേർക്കാനും പ്രചാരണം നയിക്കാനും സമയം കണ്ടെത്തി .
എന്തൊക്കെ ഇടതുപക്ഷത്തിന്റെ ഭാഗത്ത് നിന്ന് പടച്ചു വിട്ടുവോ അതൊക്കെ നനഞ്ഞ പടക്കങ്ങളായി മാറിയപ്പോൾ കേരളം കാത്തിരിക്കുന്നത് ഒരു വലിയ വിജയത്തിനാണ് . 2019-2024 ലോക്സഭാ തിരഞ്ഞെടുപ്പുകളും , അതിന്നിടക്ക് നടന്ന ഉപതെരഞ്ഞെടുപ്പുകളും , ത്രിതല പഞ്ചായത്ത് തിരഞ്ഞെടുപ്പും നൽകിയ ഊർജ്ജം ഒരിറ്റു കളയാതെ യുഡിഎഫ് ഒറ്റക്കെട്ടായി തന്നെയാണ് പൊരുതിയത് .
വർഗീയ ധ്രുവീകരണ ശ്രമങ്ങളെ അതിജീവിച്ച ഐക്യം
ഇപ്പോൾ ഈ വിവരങ്ങൾ ഇവിടെ കുറിക്കുവാൻ കാരണം , എല്ലാ ഇടതുപക്ഷ ഞാഞ്ഞൂലുകളും , കൂലിയെഴുത്തുകാരും , പെയ്ഡ് ചാനലുകാരും അടുത്ത മുഖ്യമന്ത്രിയെന്ന വിവാദം കേരളത്തിലെ ജനങ്ങളിൽ കുത്തിനിറക്കുമ്പോൾ ഇതെല്ലാം കണ്ടും കേട്ടുകൊണ്ടിരിക്കുന്ന യുഡിഎഫ് നേതാക്കൾ ഇവർക്കൊന്നും കടിച്ചുപറിക്കുവാൻ എല്ലിൻ കഷണങ്ങൾ ഇട്ടുകൊടുക്കാതെ വളരെ ഭംഗിയായി മുഖ്യമന്ത്രിയെ തിരഞ്ഞെടുക്കുകയും കേരളം വളരെ സുഗമമമായി ഭരിക്കുകയും ചെയ്യുമെന്ന് കാണിച്ചുകൊടുക്കും .
2011-ന്റെ ഓർമ്മപ്പെടുത്തലും ഉമ്മൻചാണ്ടി സർക്കാരിന്റെ പാരമ്പര്യവും
2011ഇലെ ഉമ്മൻചാണ്ടി മന്ത്രിസഭ ഒരു സീറ്റിന്റെ ഭൂരിപക്ഷത്തിൽ അധികാരത്തിൽ വന്നപ്പോൾ സിപിഎം കളിയാക്കിയിരുന്നു . ഏതെങ്കിലും ഒരു എംഎൽഎ മൂത്രമൊഴിക്കുവാൻ പോയാൽ മന്ത്രിസഭ വീഴുമെന്ന് പറഞ്ഞുകൊണ്ട് . എന്നാൽ സംഭവിച്ചത് മറ്റൊന്നായിരുന്നു .
ശെൽവരാജ് മുതൽ നാല് എംഎൽഎ മാരെയാണ് യുഡിഎഫിന് വീണു കിട്ടിയത് . കേരളം കണ്ടതിൽ വെച്ചേറ്റവും നല്ല വികസനപ്രവർത്തനങ്ങളുമായി ഉമ്മൻചാണ്ടി അഞ്ചുകൊല്ലം ഭരിച്ചപ്പോൾ തുടർഭരണം പേടിച്ചുകൊണ്ട് സോളാർകേസ് ഉമ്മൻചാണ്ടിയുടെ തലയിൽ കെട്ടിവെച്ചതും കോഴമാണിയുണ്ടാക്കിയതും നാം കണ്ടു .
ഇടത് തന്ത്രങ്ങളും സോഷ്യൽ മീഡിയയിലെ 'കൂലിയെഴുത്തും'
ആയതിനാൽ ഇപ്പോൾ നടക്കുന്ന ഈ പുകിലുകളൊക്കെ വൃഥാവിലാവും എന്നുതന്നെയാണ് നാം മനസ്സിലാക്കേണ്ടത് . പഴയത് പോലെ കാള പെറ്റു എന്ന് കേൾക്കുമ്പോൾ കയറെടുക്കുന്ന നേതാക്കളുടെ കാലമൊക്കെ കഴിഞ്ഞു . അത്യവശ്യം ബുദ്ധിയും ബോധവും ജനവികാരം മാനിക്കുന്നവരും ആയ നേതാക്കളാണ് ഇപ്പോൾ യുഡിഎഫിനെ നയിക്കുന്നത് . പഴയ സ്‌കൂൾ അല്ല , എല്ലാം പുതിയ സ്‌കൂളിലാണ് പഠിച്ചു കയറിയത് . എല്ലാവരും അത്യാവശ്യം ടിവി കാണുന്നവരും സോഷ്യൽ മീഡിയ ശ്രദ്ധിക്കുന്നവരുമൊക്കെയാണ് .
പാവം സുധാകരന്റെ കൂടെ ചില ബന്ധുക്കളും ഗൾഫിലെ സുഹൃത്തുക്കളും ഒക്കെ ചേർന്നുകൊണ്ട് എതിരാളികളിൽ നിന്നും പണം കൈപ്പറ്റിക്കൊണ്ട് സോഷ്യൽ മീഡിയയെ ദുരുപയോഗം ചെയ്യുന്നതൊഴിച്ചാൽ എല്ലാവർക്കും ലേശം ബോധമുദിച്ചിട്ടുണ്ട് . അതോടൊപ്പം ഏറാൻ മൂളുവാൻ യുവ എംഎൽഎ മാരും ചില ആർത്തി മൂത്ത എംപിമാരും ഒഴിച്ചാൽ എല്ലാം വളരെ നല്ല രീതിയിൽ തന്നെയാണ് നടന്നുപോകുന്നത് .
ഭരണമാറ്റത്തിന് ശേഷമുള്ള വെല്ലുവിളികളും പെരുമാറ്റച്ചട്ടത്തിന്റെ ആവശ്യകതയും
ഭരണം കയ്യിൽ കിട്ടിയാൽ ആദ്യം ചെയ്യേണ്ടത് ഈ വക കളിക്കാരെ നിലക്ക് നിർത്തുക എന്നത് തന്നെയാണ് .അതൊക്കെ കഴിഞ്ഞിട്ട് മതി വികസനവും ബാക്കിയുള്ള കാര്യങ്ങളും . എല്ലാ എംഎൽഎ മാർക്കും , എംപിമാർക്കും , നേതാക്കന്മാർക്കും ഒരു സോഷ്യൽ മീഡിയ നിയമം കൊണ്ടുവരിക . അവരുടെ പ്രൊഫൈലുകളോ , പേജുകളോ മാനേജ് ചെയ്യുന്ന സോഷ്യൽ മീഡിയ കമ്പനികൾക്കും ഒരു പെരുമാറ്റ ചട്ടം ഏർപ്പെടുത്തുക .
അല്ലെങ്കിൽ ഇപ്പോഴത്തെ ഈ വൈറസുകൾ ഭരണത്തെ കുളം തോണ്ടാനുമായി ആളെ ഇറക്കിക്കളിക്കും . ആയതിനാൽ ഇപ്പോഴത്തെ ഈ ബഹളങ്ങളും വിവാദങ്ങളും ഒക്കെ നടക്കട്ടെ . മെയ് നാല് കഴിഞ്ഞാൽ വളരെ പക്വതയോടെ , ബുദ്ധിയോടെ കാര്യങ്ങൾ തീരുമാനിക്കുക . അത് എ ഐ സി സി ആയാലും കെ പി സി സി ആയാലും !!!
ശുഭപ്രതീക്ഷയോടെ മെയ് നാലിലേക്ക് ! ശബരിമല അയ്യപ്പൻ ഈ നാടിന്റെ കാവൽ !!
ജനം ഇഷ്ടപ്പെടുന്നവർ നാട് ഭരിക്കണമെന്ന ആഗ്രഹവുമായി പോരാളി ദാസനും
'ഒരു നാൾ വരും' ശുഭപ്രതീക്ഷയോടെ പോരാളി വിജയനും
#KeralaPolitics #UDF #Congress #TeamUDF #KeralaElection2026 #VellappallyNatesan #OppositionLeader #KPCC #MuslimLeague #OommenChandy #PoliticalAnalysis #UDFUnity #SabarimalaAyyappan #ElectionTrends #KeralaDevelopment #SocialMediaEthics #NewSchoolPolitics #AICC #PoliticalStrategy #Victory2026 #PoraliDasan #PoraliVijayan #KeralaNews #Democracy #Governance #PoliticalUnity
