കെ പി സി സി പ്രസിഡണ്ട് സ്ഥാനം യഥാർത്ഥ കോൺഗ്രസ്സ്കാരന്
അങ്ങനെ അണികളുടെ അതിയായ ആവേശക്കൊടുങ്കാറ്റിനൊടുവിൽ യുഡിഎഫ് സർക്കാരും അതിന്റെ തേരാളിയായി വി ഡി സതീശനും അധികാരമേറ്റു . യുഡിഎഫുകാർ ഒട്ടേറെ ബുദ്ധിമുട്ടി തന്നെയാണ് ഇവ രണ്ടും നടപ്പിലാക്കിയത് . ഇനിയിപ്പോൾ അവരെയാകെ അലട്ടുന്ന പ്രശ്നം പാർട്ടിയുടെ കേരളത്തിലെ അമരക്കാരൻ തന്നെ . കെ പി സി സി പ്രസിഡണ്ട് സ്ഥാനം ഗ്രൂപ്പ് മാനേജർമാർക്കോ , പെട്ടി പിടുത്തക്കാർക്കോ വിട്ടു കൊടുക്കാതെ യഥാർത്ഥ കോൺഗ്രസ്സ്കാരന് തന്നെ കൊടുക്കണം എന്നാണ് അവരുടെ ആഗ്രഹം .
ജോസഫ് വാഴയ്ക്കാനോ , ഷാഫി പറമ്പിലോ അല്ലാതെ യഥാർത്ഥ നിലപാടുകൾ ഉള്ള ഒരാൾ തന്നെ കെ പി സി സി യുടെ പുതിയ അധ്യക്ഷനായി വരണം . പിണറായി വിജയനെ ധർമ്മടത്ത് വിറപ്പിച്ച അബ്ദുൽ റഷീദോ , റിജിൽ മാക്കുറ്റിയോ , ബി ആർ എം ഷെഫീറോ പോലുള്ളവരെ പരിഗണിച്ചാൽ ചെറുപ്പക്കാർ കൂടെ നിൽക്കും !!
തൃശൂർ ജില്ലയിലെ കോൺഗ്രസ്സ് വാഴുന്നവരുടെ പിടിപ്പുകേടുകൾ
102 സീറ്റുകൾ എന്നത് 110 ആകുവാൻ വളരെ എളുപ്പമായിരുന്നു . തൃശൂർ ജില്ലയിലെ എട്ട് സീറ്റുകൾ കൂടി എളുപ്പത്തിൽ പിടിച്ചെടുക്കുവാൻ സാധിച്ചേനെ . പക്ഷെ തൃശൂർ ജില്ലയിലെ കോൺഗ്രസ്സ് വാഴുന്നവരുടെ പിടിപ്പുകേടുകളും വിവരമില്ലായ്മകളും , കുതികാൽ വെട്ടുകളും ആ ജില്ലാ തന്നെ കോൺഗ്രസ്സിന് ബാലി കേറാ മലയായി മാറി . കേരളത്തിൽ ഒരു കാലത്ത് കോൺഗ്രസ്സിന്റെ ഉരുക്കുകോട്ടയായിരുന്ന തൃശൂർ സി എൻ ബാലകൃഷ്ണനുശേഷം വന്ന കോഞ്ഞാട്ട പ്രസിഡണ്ടുമാർ ആ ജില്ലയെ ഇടതിന് വിട്ടുകൊടുത്തു .
അതിന്റെ കർമ്മഫലമായിരുന്നു ടി എൻ പ്രതാപൻ ഇത്തവണ അനുഭവിച്ചറിഞ്ഞത് . ചുക്കിനും ചുണ്ണാമ്പിനും കൊള്ളാത്ത കുറെ മുൻ പ്രസിഡണ്ടുമാരും ഇപ്പോഴത്തെ പ്രസിഡണ്ടും സെക്രട്ടറി മാരും ഒക്കെ ചേർന്നുകൊണ്ട് ലോക്സഭാ ബിജെപിക്കും നിയമസഭകൾ എൽഡിഎഫിനും തീറെഴുതികൊടുത്തു . എല്ലാറ്റിനെയും അടപടലം എടുത്തുകളഞ്ഞാൽ ജില്ല കോൺഗ്രസ്സിന് വീണ്ടും സ്വന്തമാക്കാം . അവരൊക്കെ പാർട്ടി വിട്ട് പോയാലും അത് കോൺഗ്രസ്സിന് തന്നെയേ ഗുണം ചെയ്യൂ . വിഡി സതീശൻ കേരള മുഖ്യമന്ത്രി എന്ന് എ ഐ സി സി പ്രഖ്യാപിച്ചപ്പോൾ ഡിസിസി ഓഫീസ് പൂട്ടിക്കെട്ടി വീട്ടിൽ പോയവരാണ് തൃശൂരിലെ ശാപം
മന്ത്രിമാർക്ക് പ്രത്യേക മാർഗ്ഗനിർദ്ദേശങ്ങൾ
ഇനിയുള്ളത് മന്ത്രിമാർക്ക് പ്രത്യേക മാർഗ്ഗനിർദ്ദേശങ്ങൾ പുറപ്പെടുവിക്കുക എന്നതാണ് . മുപ്പതും നാൽപ്പതും വര്ഷങ്ങളായി പാർട്ടിക്കായി പണിയെടുക്കുന്ന ആളുകളെ ഒഴിവാക്കിക്കൊണ്ട് പിൻവാതിൽ നിയമനങ്ങൾ കൈക്കൊള്ളുവാൻ മന്ത്രിമാർ മുതിർന്നാൽ അണികൾ വീണ്ടും പ്രക്ഷോഭകാരികളാവും . പോലീസിന്റെ ലാത്തിയടിക്കും , എതിർപാർട്ടിക്കാരുടെ മർദ്ദനങ്ങൾക്ക് , നാട്ടിലും വീട്ടിലുമുള്ളവരുടെ വിമർശനങ്ങൾക്കും വിധേയരായവരുടെ വിഷമതകൾ മന്ത്രിമാരും എംഎൽഎ മാരും കാണാതെ പോകരുത് .
അർഹരായവരെ ഉൾപ്പെടുത്തിയാവണം കാര്യങ്ങൾ നടപ്പിലാക്കുവാൻ . വളരെ എളുപ്പത്തിൽ പണമുണ്ടാക്കുവാൻ കറങ്ങിനടക്കുന്ന കുറേയാളുകളും പെട്ടെന്ന് സോഷ്യൽ മീഡിയയിൽ വൈറൽ ആകുവാൻ നടക്കുന്ന കുറെയധികം തരുണീമണികളും ചേർന്നുകൊണ്ട് മന്ത്രിമാരെ സമീപിക്കുമ്പോൾ വിവാദങ്ങൾ ഭയന്നുകൊണ്ടേയിരിക്കണം അവരെയൊക്കെ കൈകാര്യം ചെയ്യേണ്ടത് .
മാധ്യമങ്ങളുടെ മൈക്കും അനാവശ്യ വിവാദങ്ങളും
അതുപോലെ ചാനലുകാർ മൈക്കുമായി സമീപിക്കുമ്പോൾ അനാവശ്യങ്ങൾ വിളമ്പിക്കൊണ്ട് മാത്യു കുഴൽനാടനും , എം ലിജുവിനും ഒക്കെ സംഭവിച്ച അബദ്ധങ്ങൾ സംഭവിക്കാതിരിക്കട്ടെ . പിന്നീട് വന്നു മാപ്പ് കോപ്പ് എന്നൊക്കെ പറഞ്ഞു കരഞ്ഞിട്ട് യാതൊരു കാര്യവുമില്ല . മലയാളി ഒന്നും മറക്കുന്നവരല്ല എന്ന ചിന്ത ഏവരിലും ഉണ്ടാകുന്നത് നല്ലതാണ് . മന്ത്രിമാരുടെ കുടുംബാംഗങ്ങളും , എന്തിനധികം പറയുന്നു മുഖ്യമന്ത്രി യുടെ മകൾ വരെ ചാനലുകാർക്ക് മറുപടികൊടുക്കുമ്പോൾ വളരെ ജാഗ്രത പാലിക്കണം .
കഴുകന്മാർ മൈക്കുമായി അന്നന്നത്തെ ബാർക്ക് റേറ്റിംഗിനായി നെട്ടോട്ടമോടുകയാണ് . അനാവശ്യമായ വിവാദങ്ങൾ പരമാവധി ഒഴിവാക്കുന്നതാണ് ബുദ്ധി. ഓൺലൈൻ പത്രക്കാർ പലരിൽ നിന്നും പണം വാങ്ങി വാർത്തകൾ പടച്ചിട്ട് ഒന്നും നടക്കാതെ വന്നപ്പോൾ വൈരാഗ്യ ബുദ്ധിയോടെയാണ് പെരുമാറുന്നത് എന്നതും മനസിലാക്കുക .
വന്ദേമാതരവും വടശ്ശേരി ദാമോദരമേനോൻ സതീശനും
വന്ദേമാതരം എന്നത് ഗവർണർ അടിച്ചേൽപ്പിച്ച ഒരു സംഗതിയാണ് . അതദ്ദേഹം തമിഴ്‌നാട്ടിലും അടിച്ചേൽപ്പിച്ചിരുന്നു . അവിടെ സ്റ്റേജിൽ ജോസഫ് വിജയ് എന്ന മുഴുവൻ പേര് വെച്ചപ്പോൾ കുത്തിത്തിരുപ്പുകാർക്ക് വേദനിച്ചില്ല . എന്നാൽ കേരളത്തിൽ വടശ്ശേരി ദാമോദരമേനോൻ സതീശൻ എന്ന് പറഞ്ഞപ്പോൾ കുറേപേർക്ക് നൊന്തു . സ്വന്തം അച്ഛന്റെ പേര് മക്കളല്ലാതെ വേറെ ആരാ പറയുക .
ചുമ്മാ ഓരോരോ കാര്യങ്ങളിൽ വർഗീയതയും വംശീയതയും കുത്തി നിറയ്ക്കുവാൻ കുറേയാളുകൾ ഇറങ്ങി പുറപ്പെട്ടിട്ടുണ്ട് . അതുപോലെ മന്ത്രിമാരുടെ യും മുഖ്യമന്ത്രിയുടെയും ഏറ്റവും അടുത്തു ഉണ്ടാവുന്ന അവരുടെ കാര്യസ്ഥന്മാരും കാര്യങ്ങൾ കൂടുതൽ സൂക്ഷിച്ച് ജാഗ്രതയോടെ കാര്യങ്ങൾ കൈകാര്യം ചെയ്യണം . അവരുടെ പിന്നിലും കഴുകന്മാർ നിലയുറപ്പിച്ചിട്ടുണ്ട് . ഇനിയും ജോപ്പൻമാർ കേരളത്തിൽ പിറവയെടുക്കാൻ സമ്മതിക്കരുത് .
സകലമാന ഇടതുപക്ഷ കുഴലൂത്തുകാരായ ഐഎഎസ് , ഐപിഎസ് ഓഫീസർമാരെയും പോലീസ് ഉദ്യോഗസ്ഥരെയും ഉടനടി മാറ്റിയില്ലെങ്കിൽ ഈ ഭരണവും അധോഗതിയാവും എന്നാണ് ഓർമ്മപ്പെടുത്തുന്നത് !! ശത്രുക്കൾ ജാഗരൂഗരാണ് , സൂക്ഷിച്ചാൽ ദുഖിക്കേണ്ട !!
മുഖ്യമന്ത്രിയുടെ പൂക്കി യും നോക്കി ചിരിച്ചുകൊണ്ട് പറവൂർ ദാസനും
അമ്മാളു അമ്മയെ രാഹുൽഗാന്ധി കെട്ടിപ്പിടിച്ച സന്തോഷത്തിൽ പറവൂർ വിജയനും
#UDFGovernmentTakeover #VDSatheesanAsCM #KPCCPresidentRace #TrueCongressmanDemand #YouthInPolitics #AbdulRasheedForKPCC #RijilMakkutty #BRMShafeer #ThrissurCongressCrisis #PartyReorganization #PoliticalBackstabbing #LDFvsUDFvsBJP #GrassrootsWorkersMatter #NoToBackdoorAppointments #MinistersGuidance #MediaCaution #MathewKuzhalnadanBlunder #MLijuControversy #OnlineJournalismBias #VandeMataramIssue #VadasseryDamodaraMenonSatheesan #StopCommunalPolitics #PersonalStaffVigilance #NoMoreJoppans #EnemiesAreVigilant #KeralaPoliticalAnalysis
